1 Iyutun 17:12 - Baibuli I Leb Kumam 2013

¹² En ebino gero nango ot, di ango ako bino mino ajakanut mere bedo nakanaka.

1 Iyutun 17:12 Iomraidhean Croise

1 Abakai 5:5

Pi mano, ango nataman atie kede tam me mito gero ot ne Rwot Rubanga na bala kame oudo Rwot owaco ne papa na Daudi be, ‘Wodi kame ango abino keto lunyo wangi bala abaka, bino gero nango ot.’

1 Abakai 8:19

akadi kamanono da, in en kalikame ibino gero ot nono, do wodi kame in ibino nywalo en kame bino gero nango tempulo.’

1 Iyutun 17:11

Ka kare me kuo nin otiek di oko yiki i nget joakwari ni, ango abino keto atin ni acel kame in inywalo, di en eko lunyo wangi bala abaka, di ango ako bino mino ajakanut mere cungo di tek.

1 Iyutun 17:13

Ango abino bedo papa mere, di en eko bino bedo woda. Do likame abino kwanyo amara na kalikame lokere kibute, bala kame bin akwanyo kede kibut Saulo, ngat kame bin ango akwanyo tenge tetekeny in idok abaka.

Esera 5:11

“Gin kiko dwoko ne wa be, ‘Wan en jotic ka Rubanga me Malo kede Piny; wan otie temuno gero tempulo kame bin sek abaka adwong me Isirael ogero paka tieko tic mere.

Sabuli 72:17

Mi nying abaka bed tie nakanaka, iruo me nyinge meede ameda bedo nakanaka bala ceng. Mi atekerin dedede ud winyo pire; mi gi kilwonge be ngawinyo.

Sabuli 89:29

Abino mino ikwae mege en kame bedo i ajakanut nakanaka, doko abino mino kom me ajakanut mere bedo nakanaka bala malo.

Sabuli 89:4

‘Abino mino ikwae ni bedo tie nakanaka, di ako bino mino ajakanut ni bedo tie i kare lung.’ ”

Sabuli 89:5

Wek gi dedede kame tie i malo pak giaura kame in itimo, Okwe Rwot, doko miero pak genere nin i kacokere me tipere kacil.

Isaya 9:7

Akarinikin mere me pug bino meede ameda dongo; anapakin me nakanaka bino bedo tie i ajakanut mere. En ebino lunyo kom me ajakanut ka Daudi, di eko mino ajakanut nono cungo di etek i yore me pug kede ateni kede i yore kopoore, cako nataman i kare noni tuno i kare me ajikini. Mit kame Rwot me jo yi tie kede pi timo kamanoni bino mino ecobere.

Danieri 2:44

I kare me apugan nogo Rubanga me malo bino cibo ajakanut kalikame kobino jiko, doko da likame jo apat bino puge. En ebino tuturo ajakanuto nogo, di en eko bedo tie nakanaka.

1 Jokorinti 15:25

Pien miero epug tuno en nyono jokwor mege dedede i tiene.

Jokolosai 2:9

Pien Rubanga i tie mere lung bedo i en i cal me kom,

Gianyuta 11:15

Malaika me kanyaare di oko kuto agwara mere, di dwan atot amalo oko winyere di yamo i malo be, “Ajakanut me piny otieko doko me ka Rwot wa kede me ka Kirisito mere, doko en ebino pug ikar kede ikar.”