1 Iyutun 17:11 - Baibuli I Leb Kumam 2013

¹¹ Ka kare me kuo nin otiek di oko yiki i nget joakwari ni, ango abino keto atin ni acel kame in inywalo, di en eko lunyo wangi bala abaka, di ango ako bino mino ajakanut mere cungo di tek.

1 Iyutun 17:11 Iomraidhean Croise

Ageini 15:15

Do in giri ibino bedo di iko ti kiber, ibino to kede mulem di oko yiki.

1 Abakai 1:21

Ka in likame itimo kamanono, oyotoyot ingei in adwong na abaka to di iko ot wei kede joakwari ni, ango kede woda Sulumani kobino tero wa bala jokolo.”

1 Abakai 2:10

Di do Daudi oko to di oko yike i Bomba ka Daudi.

1 Abakai 8:19

akadi kamanono da, in en kalikame ibino gero ot nono, do wodi kame in ibino nywalo en kame bino gero nango tempulo.’

1 Abakai 8:20

“Aso, Rwot nataman otieko cobo cikere mere, pien ango nataman atieko lunyo wang papa na Daudi bala abaka me Isirael, doko atieko gero ot me woro Rwot, Rubanga me Isirael.

1 Iyutun 17:10

Cako i kare kame ango bin aketo kede jongolkop pi telo jo na me Isirael, jo areco oko bedo suro gi, do nataman ango abino bwono jokwor ni dedede, doko da abino mini ikwae.

1 Iyutun 17:12

En ebino gero nango ot, di ango ako bino mino ajakanut mere bedo nakanaka.

1 Iyutun 28:5

En emia awobe atot, di kikom gi en eko yero Sulumani pi bedo i kom me ajakanut mere me Isirael, pi pugo jo Isirael.

1 Iyutun 29:15

Okwe Rwot in ingeo be i nyimi, wan ocal bala jokumbor kede jo kame beo abea i kuo noni, bala bin joakwari wa dedede; kare me kuo wa i wi lobo cal bala tipo kame rwenyo oyotoyot, gen me bedo nakanaka likame tie.

1 Iyutun 29:28

Daudi oudo obaro doko jo oudo mie wor twatwal. En bin eko to di etieko ti kiber, di wode Sulumani en oko lunyo wange bala abaka.

2 Iyutun 6:9

akadi kamanono da, in en kalikame ibino gero ot nono, do wodi kame in ibino nywalo en kame bino gero nango tempulo.’

Sabuli 132:11

Rwot okwongo but Daudi ikwong me ateni, kalikame doko eromo loko tam mere kiye: “Abino mino ngat acel kikom awobe ni bedo i kom nin me ajakanut.

Sabuli 89:5

Wek gi dedede kame tie i malo pak giaura kame in itimo, Okwe Rwot, doko miero pak genere nin i kacokere me tipere kacil.

Yeremia 33:17

Pien Rwot waco be likame tie kare moro kame Daudi bino bedo kede abongo akware moro kame lunyo ajakanut mere i Isirael,

Tice 13:36

“Pien Daudi riki ingei mino iik ka Rubanga ocobere i kare mere, en eko to di oko yike i nget joakwari mege di kome oko top.

Tice 2:29

“Jo me Isirael jowota, ango amito yamo ne wu kede tekcuny kop kame ango angeo kiber i kom kwaru wa Daudi. En bin eto di oko yike, doko ates mere da pwodi tie but wa kan tuno tin.

Iswilia 31:16

Rwot oko waco ne Musa be, “In iyapuno to, do ingei to nin jo bino weka di kiko donyo woro rubangan mogo apat, rubangan me lobo kame gin kitie ot iye; gin kibino weka di kiko turo isikan kame ango oudo atimo kede gi.