1 Iyutun 16:8 - Baibuli I Leb Kumam 2013

⁸ Okwe, miunu pwoc but Rwot, lwongunu nyinge, miunu tice mege ngere but atekerin.

1 Iyutun 16:8 Iomraidhean Croise

1 Abakai 8:43

tim ber iwiny kwac mere i malo kabedo ni. Tim ne gikame en ekwai pire, tetekeny jo dedede me wi lobo ngei di gin kiko bedo kede lworo buti, bala jo ni me Isirael. Di do gin kiko bino ngeno be ot noni kame ango atieko gero obedo meri.

2 Abakai 19:19

Aso nataman, Okwe Rwot Rubanga wa, lak wa ki cinge, tetekeny atekerin dedede me wi lobo ngei be in keni en ibedo Rwot Rubanga.”

1 Iyutun 16:34

Okwe miunu Rwot pwoc piento en eber; pien amara mere kalikame lokere bedo nakanaka.

Sabuli 118:1

Okwe, miunu pwoc but Rwot, piento en eber; amara mere kalikame lokere bedo nakanaka!

Isaya 12:4

I ceng nono wun ibinunu waco be, “Miunu Rwot pwoc, lwongunu nyinge. Wacenu atekerin apat gikame en etimo. Wacenu gi be nyinge dwong.

Yeremia 33:11

bino winyere iye dwan jo kame lelemo kede kilel, dwan jo kame tie i ebaga me nyom, kede dwan jo kame tero giamia gi i ot ka Rwot di kiwero be, “‘Pwounu Rwot me jo yi, pien Rwot ber, doko amara mere kalikame lokere bedo nakanaka.’ “Pien ango ayaro dwoko mulem me lobo noni i kite kame oudo etie kede sek, ango Rwot en awaco.”

Tice 9:14

Doko ki kane da, en etieko udo twer kibut jodongo me josaseredoti pi tweno jo dedede kame lwongo nyingi.”

1 Jokorinti 1:2

But jo koyei Rubanga i Korinti, jo kame kolonyo i Kirisito Yesu, gin jo kame Rubanga olwongo pi bedo jo mege kacil, karacel kede jo dedede i kabedo dedede kame lwongo nying Rwot Yesu Kirisito, en Rwot gi kede merwa da.