1 Iyutun 16:43 - Baibuli I Leb Kumam 2013

⁴³ Di do jo dedede oko yai kioto i miere gi, di Daudi da oko ot ture pi mino winyo but jo me ode.

1 Iyutun 16:43 Iomraidhean Croise

Ageini 18:19

Li, pien ango atieko yere pi coro idwe mege karacel kede ikwae mege me kare me anyim, pi gin bedo jo kame lubo yongayo ka Rwot di kitimo gi kopoore kede me ateni; tetekeny Rwot cob timo gikame en ecikere iye but Aburaam.”

1 Abakai 8:66

I ceng me kanyauni mere Sulumani oko peruno jo, di jo oko dok i miere gi. Gin dedede bin kiko pwono abaka, di kiko dok i miere gi di kilelo, doko cuny gi di yom twatwal pi bero dedede kame Rwot otimo ne ngatic mere Daudi kede jo mege me Isirael.

1 Iyutun 17:1

Di bin Abaka Daudi odonyo bedo i paco mere me abaka, en eko waco ne enabi Natan be, “Neningo, nataman ango atie bedo i ot kame kogero kede yen seda, do Sanduku me Isikan ka Rwot tie bedo i eema!”

Sabuli 101:2

Abino bedo abongo raco moro i kuo na; awene en kame in ibino bino kede buta? Abino bedo kede cuny aber i oda,

Yosua 24:15

Ka wun likame imitunu timo tic ne Rwot, tin yerunu ngat kame wun ibinunu timo ne tic, arabo rubangan kame joakwari wu bin woro i Mesopotamia, arabo rubangan me jo Amor kame wun itienu bedo i lobo gi. Do ango kede jo me diakal na, wan obino timo ne Rwot tic.”