1 Iyutun 16:40 - Baibuli I Leb Kumam 2013

⁴⁰ Buli odiko kede otieno gin oudo miero kiwang ne Rwot giayala i wi alutari di lubere kede gikame oudo kowandiko i Iswil kame bin Rwot omio jo Isirael.

1 Iyutun 16:40 Iomraidhean Croise

2 Samuel 8:17

Sadoki wot ka Akitub kede Akimelek wot ka Abiata en koudo obedo josaseredoti; Seraya en oudo obedo kalani;

1 Abakai 18:29

Gin kimeede ameda kede redo kitek tuno esawa me i dier iceng kato, do likame dwan moro owinyere, likame ngatamoro odwoko dog gi.

2 Iyutun 2:4

Nan ango amito gero ne Rwot Rubanga na tempulo, di ako bino kwere bute. En ebino bedo kakame komie iye giayala me odok angwe kur, kede kame koyalo ne iye nakanaka mugati kacil, kede kame komie iye giayala awanga odiko kede otieno acelacel, kede i ceng Sabato kede i Ebaga me Por Duwe, kede i ceng adongo ace me woro Rwot Rubanga wa. En eciko ne jo me Isirael pi timo kamanoni nakanaka.

2 Iyutun 31:3

Abaka oko kwanyo leini mege amake pi bedo giayala awanga kame komio but Rwot odiko kede otieno, kede giayala awanga kame komio i ceng Sabato, i Ebaga me Por Duwe, kede i ibagai apat kame iswil ka Rwot ociko be poore tedi.

Esera 3:3

Gin bin kiko gero alutari kawange kasek, bed bala oudo kitie kede lworo i kom jo kame oudo tie cuto bedo i lobo nono. Gin bobo kiko cako wango giayala me ceng dedede kame kowango odiko kede otieno but Rwot.

Danieri 9:21

Kakame oudo ango atie kede ilega, malaika Gabulieri, en icuo kame ango oudo acako neno i gianyuta kokato, oko por bino kakame ango oudo atie iye. Manono oudo obedo esawa me mino giayala me otieno.

Jolebi 9:17

Eko bobo da mino giayala me alos, di eko juko alos pong cinge di eko wange i wi alutari, manoni oudo tie medo i wi maca kame kowango ceng dedede odiko.

Amosi 4:4

Rwot Rubanga waco be, “Jo Isirael, otunu Betel di ikounu timo dub! Otunu Giligal di ikounu meede ameda kede timo dub! Terunu giayala wu buli odiko, kede acel me tomon me jame wu ingei buli ceng me adek.