1 Iyutun 16:4 - Baibuli I Leb Kumam 2013

⁴ Daudi oko yero Jolebi mogo pi timo tic i nyim Sanduku me Isikan ka Rwot, pi ngangao, kede pi mino pwoc kede pak but Rwot Rubanga me Isirael.

1 Iyutun 16:4 Iomraidhean Croise

Ageini 17:7

Ango abino timo isikan na kame bedo nakanaka kedi, karacel kede ikwae ni me kare me anyim, naparo lwak gin lung, pi ango bedo Rubanga ni kede me ikwae ni me kare me anyim.

Ageini 32:28

Icuo nono oko waco ne be, “Likame bobo kobino lwongi be Yakobo, do kobino lwongi be Isirael, pien in itieko ute kede Rubanga kede jo di iko bwono gi.”

Ageini 33:20

En eko gero alutari kuno di eko cako nyinge be El, Rubanga me Isirael.

1 Abakai 8:15

En ewaco be, “Pak bed but Rwot, Rubanga me Isirael, en ngat kame kede teko mere etieko cobo timo gikame bin en ecikere iye di ewaco kede doge but papa na Daudi be,

1 Iyutun 15:16

Daudi oko ciko jotel me Jolebi pi poko ne Jolebi wad gi tic me wer kede me gono jamini apapat me agoa, tetekeny gin kigoi were mogo amit me yomcuny kede adungu, arigirigi kede suanin abatal.

1 Iyutun 16:3

di en eko poko ne gin dedede cam. En epoko cam ne jo dedede me Isirael, cuo kede mon di rorom, di emio ngat acelacel mugati acel, angol me ringo, kede olok kotuo.

1 Iyutun 16:5

Asap en oudo ngatel me jower, di Sakaria lubo tiene. Yeyel, Semiramot, Yekiel, Matitia, Eliab, Benaya, Obed Edom, kede Yeyel en kame oudo komio gono adungun kede arigirigin. Asap en kame oudo omio gono suanin abatal,

1 Iyutun 16:8

Okwe, miunu pwoc but Rwot, lwongunu nyinge, miunu tice mege ngere but atekerin.

1 Iyutun 24:3

Abaka Daudi bin oko keto ikwae ka Aaron i ikodeta di lubere kede tice kame kopoko negi. Sadoki akwar Eleasar, kede Akimelek akwar Itamar en kame bin okonye timo manoni.

1 Iyutun 25:1

Daudi kede jotel me isirikalen bin oko yero ikwae ka Asap, ikwae ka Keman, kede me ka Yedutun pi bedo jo kame telo kop me wer. Gin oudo kipoore pako Rwot di kigoo arigirigin, adungun, kede suanin abatal. Nying jo kame bin oko yero i tic nono kede ipelun gi ige:

1 Iyutun 6:31

Magi en bin jo kame Abaka Daudi ocibo pi telo kop amako wer i tempulo ka Rwot, ingei tero Sanduku me Isikan iye.

Esera 3:10

Kakame jogedo ocako kede napo kide me acakini me apama me tempulo, josaseredoti oko ngapo ikanson gi di kiko ot kargi di kiko donyo kuto agwarai pi pako Rwot, di Jolebi kobedo ikwae ka Asap tie cungo di kigoo suanin abatal me goc. Gin oudo kitie pako Rwot di lubere kede cik kame Abaka Daudi bin omio.

Nekemia 12:24

Jotel me jolebi: Kasabia, Serebia, Yesua, Binui, Kadamiel kede jo kame bin lubo tien gi oko iiko ikodeta are me jower me Jolebi, pi bedo pako Rubanga bala kame Abaka Daudi oudo ociko, di kiwero were kame kileo alea.

Sabuli 103:2

Abino pako Rwot, doko likame wia bino wil i kom bero kame en etimo na.

Sabuli 105:5

Yutununu gi me isuur kame en etieko timo, gi me isuur mege, kede kop kame etieko ngolo,

Sabuli 106:48

Pak bed but Rwot Rubanga me Isirael, ikar kede ikar. Poore jo dedede wac be, “Amen.” Pakunu Rwot!

Sabuli 37:1

Kur cunyi poti pi jo areco; kur nyeko maki kede jo kame timo gikarac,

Sabuli 70:1

Okwe Rubanga, mi cunyi bed yom pi laka. Okwe Rwot, susunyo bino konya!

Sabuli 72:18

Pak bed but Rwot, Rubanga me Isirael, ngat kame en kene etimo jamini me aura.