1 Iyutun 16:14 - Baibuli I Leb Kumam 2013

¹⁴ En Rwot Rubanga wa; en engolo kop i wi lobo lung.

1 Iyutun 16:14 Iomraidhean Croise

Ageini 17:7

Ango abino timo isikan na kame bedo nakanaka kedi, karacel kede ikwae ni me kare me anyim, naparo lwak gin lung, pi ango bedo Rubanga ni kede me ikwae ni me kare me anyim.

1 Iyutun 16:12

Yutununu gi me aura kame en etieko timo, gi me isuur mege, kede kop kame etieko ngolo,

1 Iyutun 16:13

Okwe wun ikwae ka Isirael ngatic mere, idwe ka Yakobo, jo kame en eyero.

1 Iyutun 16:15

Bedunu yutuno isikan mere nakanaka, kop kame en eciko but lwak me kare lung,

Sabuli 100:3

Ngeunu be Rwot en Rubanga. En kame ecweo wa, doko wan obedunu jo mege; wan obedunu jo mege, romini kame en ekwao.

Sabuli 118:28

In en Rubanga nango, ango abino mini pwoc; in en Rubanga nango, ango abino paki.

Sabuli 63:1

Okwe Rubanga, in en ibedo Rubanga na, ango amoi, apari kede kuo na lung; koma lung tie pari, bala kame lobo otuo di oti mito kede pii.

Sabuli 95:7

Piento en Rubanga wa, wan obedunu jo kame en egwoko, romini kame kuo i cinge. Okwe koto di tin iwinyunu kop mere be,

Yai 15:2

Rwot mia teko kede twer; en kame elaka. En Rubanga na, abino pako nyinge; en Rubanga ka papa na, abino mine dwongo.

Isaya 26:9

Cunya pari iwor kiakia; ango amoi kede kuo na. Pien ka in ingolo kop ne lobo kede jo kame bedo iye, gin kibino niang dwong me gi kopoore.