1 Iyutun 15:3 - Baibuli I Leb Kumam 2013

³ Daudi oko coko jo me Isirael dedede Yerusalem pi tero Sanduku me Isikan ka Rwot kabedo mere kame oudo koiko ne.

1 Iyutun 15:3 Iomraidhean Croise

2 Samuel 6:12

Bin oko waco ne Abaka Daudi be, “Rwot otieko mino winyo but jo me ot ka Obed Edom kede jamini mege dedede pi Sanduku me Isikan ka Rubanga.” Manono oko mino Daudi oko ot di eko omo Sanduku me Isikan ka Rubanga ki ot ka Obed Edom di eko tere i bomba mere kede kilel kadwong.

2 Samuel 6:17

Gin kiko tero Sanduku me Isikan ka Rwot di kiko kete kabedo mere, i yi eema kame Daudi oudo ogero ne; di Daudi oko mino Rwot giayala awanga kede giamia me nywak.

1 Abakai 8:1

Di do Abaka Sulumani bin oko lwongo joadongo me Isirael kede jotel me ikekon, jotel me ude me joakwari me Isirael, pi gin bino bute Yerusalem tetekeny kikwany Sanduku me Isikan ka Rwot ki Sion, Bomba ka Daudi, di kiko tere i tempulo.

1 Iyutun 13:2

Di eko waco ne jo dedede me Isirael kame oudo ocokere be, “Ka wun iyeunu, kede ka manoni obedo mit ka Rwot Rubanga wa, wek ocwaunu jo but jo wa apat dedede kame odong i lobo me Isirael, kiton josaseredoti kede Jolebi i bomban gi kame tie kede kakwat, tetekeny wac ne gida kibin but wa kan.

1 Iyutun 13:5

Aso, Daudi oko coko jo dedede me Isirael cako ki ikor me Misiri i bad tetu piny ape tuno Lebo Kamat i bad tetu malo. En ecoko gin dedede karacel pi omo Sanduku me Isikan ka Rubanga ki Kiriat Yearim di kiko tere Yerusalem.

1 Iyutun 15:1

Daudi bin oko gero ude mege amake i Bomba ka Daudi, di eko iiko kabedo ne Sanduku me Isikan ka Rubanga, eko gero ne eema.

1 Iyutun 15:12

En eko waco negi be, “Wun en jotel me diakale me Jolebi; poore ilonyerenu, wun kede Jolebi wadu, tetekeny itwerunu tero Sanduku me Isikan ka Rwot Rubanga me Isirael, i kabedo kame ango atieko iiko pire.

1 Iyutun 16:1

Gin kiko tero Sanduku me Isikan ka Rwot di kiko kete i yi eema kame Daudi oudo ogero ne; di gin kiko mino Rubanga giayala awanga kede giayala me nywak.

2 Iyutun 1:2

Sulumani bin oko lwongo jo dedede me Isirael, jotel me ikodeta me isirikalen atie tutumia acel tutumia acel, kede atie tol acel tol acel, jongolkop, jotel me Isirael, jotel me miere, kede jo dedede.

2 Iyutun 1:4

(Do Sanduku me Isikan oudo tie Yerusalem i eema kame Daudi oudo ogero kunono kakame edwoke kede ki Kiriat Yearim.)

2 Iyutun 5:2

Di do Abaka Sulumani bin oko lwongo joadongo me Isirael kede jotel me ikekon, jotel me ude me joakwari me Isirael, pi gin bino bute Yerusalem tetekeny kikwany Sanduku me Isikan ka Rwot ki Sion, Bomba ka Daudi, di kiko tere i tempulo.

Yai 40:20

Di do Musa oko tero kide are kame oudo kowandiko iye cik tomon di eko keto gi i yi Sanduku me Isikan. Eko rwako atekai i yi alung me sanduku nono, di eko cibo kom me timo kisa i wie.

Jolebi 9:5

Gin kiko tero gi dedede kame Musa ociko negi i nyim Eema me ariamakin kede Rwot, di jo dedede oko cokere i nyim Rwot pi wore.