1 Iyutun 15:2 - Baibuli I Leb Kumam 2013

² Di Daudi oko mino cik be Jolebi kenekene en kame poore yeno Sanduku me Isikan ka Rubanga, pien gin en kame Rwot oudo otieko yero gi pi yene, kede pi timo ne en tic nakanaka.

1 Iyutun 15:2 Iomraidhean Croise

2 Samuel 6:13

Kakame bin jo kame oudo oko yeno sanduku ka Rwot oko cako kede ot, di pwodi oudo kilato tien gi tien kanyape kenekene, Daudi oko mino gin kicungo di en eko mino giayala me twon kede roya kocwe but Rwot.

2 Iyutun 35:3

En eko waco ne Jolebi, gin jopwonye me Isirael, jo kame kokwero but Rwot be, “Ketunu Sanduku me Isikan kacil i tempulo kame Abaka Sulumani wot ka Daudi ogero. Wun likame bobo poore imeedenu kede yene, do poore idonyunu timo tic ne Rwot Rubanga wu kede ne jo Isirael, gin jo mege.

Yai 25:14

iko rwako ibaon nogo i wang alung nogo i nget sanduku tuni tuni, me yene.

Isaya 66:21

Ango abino mino jo mogo kikom gi bedo josaseredoti kede Jolebi.

Wel 3:6

“Kel jo me ekeko ka Lebi kan, di iko cibo gi bedo jotic kame bino donyo konyo ngasaseredoti Aaron.

Wel 3:9

Tic kame komio gin Jolebi en konyo Aaron kede ikwae mege.

Wel 7:9

Do en likame eko mino jo ka Kokat gimoro, pien oudo komio gin timo tic me gwoko jamini amakere kede woro Rwot, jamini kame kitwero riongo i epepet gi.

Iswilia 10:8

I kare nono Rwot bin oko yero jo me ekeko ka Lebi pi gin bedo jo kame tingo Sanduku me Isikan, pi gin timo tic mere bala josaseredoti, kede pi gin lamo ne jo winyo i nyinge. Magonogo en kobedo tice gin tuno tin.

Iswilia 31:9

Musa oko wandiko iswilia nogi di eko mino gi but josaseredoti Jolebi, gin jo kame oudo gwoko Sanduku me Isikan ka Rwot, karacel kede but joadongo me Isirael.

Yosua 3:3

di kiciko jo be, “Kame inenunu di josaseredoti Jolebi tie riongo Sanduku me Isikan ka Rwot Rubanga wu, wuda ipoorenu yai lubo gi.

Yosua 6:6

Aso, Yosua wot ka Nun oko lwongo josaseredoti di eko waco negi be, “Tingunu Sanduku me Isikan di jo kanyaare kibutu ko ot i anyim mere, di ngat acelacel mako agwara me tung emerekek.”