1 Iyutun 15:15 - Baibuli I Leb Kumam 2013

¹⁵ Jolebi oko diedielo Sanduku me Isikan ka Rubanga kede atekai kame kiriongo i epepet, bala kame bin Rwot ociko kede kibut Musa.

1 Iyutun 15:15 Iomraidhean Croise

Wel 4:15

Kame kare me dako kimere otuno, jo me ekeko ka Kokat bino yeno jamini kame kotio kede gi me wora ingei Aaron kede awobe mege tieko bono gi kiber. Jo ka Kokat nogo likame poore mulo jamini kame kotio kede gi me wora, aso ka li kibino to. “Magonogi en obedo tice me jo me ekeko ka Kokat i kabedere dedede kame kobino kobo iye Eema.

Wel 7:9

Do en likame eko mino jo ka Kokat gimoro, pien oudo komio gin timo tic me gwoko jamini amakere kede woro Rwot, jamini kame kitwero riongo i epepet gi.

2 Iyutun 5:9

Atekai nogo oudo bocoboco twatwal, ka dano moro oudo ocungo i nyim Kabedo Kacil Kalamo, en oudo ekaruno neno wi gi; do likame oudo kokaruno neno gi ki ooko. Atekai nogo pwodi tie kunono tuno tin.

1 Abakai 8:8

Atekai nogo oudo bocoboco twatwal, kame ka dano moro oudo ocungo i nyim Kabedo Kacil Kalamo, en ekaruno neno wi gi; do likame oudo kokaruno neno gi i ooko mere. Atekai nogo pwodi tie kunono tuno tin.

Yai 40:20

Di do Musa oko tero kide are kame oudo kowandiko iye cik tomon di eko keto gi i yi Sanduku me Isikan. Eko rwako atekai i yi alung me sanduku nono, di eko cibo kom me timo kisa i wie.

2 Samuel 6:13

Kakame bin jo kame oudo oko yeno sanduku ka Rwot oko cako kede ot, di pwodi oudo kilato tien gi tien kanyape kenekene, Daudi oko mino gin kicungo di en eko mino giayala me twon kede roya kocwe but Rwot.

1 Iyutun 13:10

Manono oko mino cuny Rwot owang i kom Usa di eko neke pi kite kame ecwao kede cinge di eko mulo Sanduku me Isikan. Usa oko to kanono i nyim Rubanga.

Iswilia 10:8

I kare nono Rwot bin oko yero jo me ekeko ka Lebi pi gin bedo jo kame tingo Sanduku me Isikan, pi gin timo tic mere bala josaseredoti, kede pi gin lamo ne jo winyo i nyinge. Magonogo en kobedo tice gin tuno tin.

2 Samuel 6:12

Bin oko waco ne Abaka Daudi be, “Rwot otieko mino winyo but jo me ot ka Obed Edom kede jamini mege dedede pi Sanduku me Isikan ka Rubanga.” Manono oko mino Daudi oko ot di eko omo Sanduku me Isikan ka Rubanga ki ot ka Obed Edom di eko tere i bomba mere kede kilel kadwong.