1 Iyutun 15:12 - Baibuli I Leb Kumam 2013

¹² En eko waco negi be, “Wun en jotel me diakale me Jolebi; poore ilonyerenu, wun kede Jolebi wadu, tetekeny itwerunu tero Sanduku me Isikan ka Rwot Rubanga me Isirael, i kabedo kame ango atieko iiko pire.

1 Iyutun 15:12 Iomraidhean Croise

1 Iyutun 15:1

Daudi bin oko gero ude mege amake i Bomba ka Daudi, di eko iiko kabedo ne Sanduku me Isikan ka Rubanga, eko gero ne eema.

1 Iyutun 15:14

Di do josaseredoti kede Jolebi oko lonyere tetekeny kiter Sanduku me Isikan ka Rwot Rubanga me Isirael kabedo mere.

1 Iyutun 15:3

Daudi oko coko jo me Isirael dedede Yerusalem pi tero Sanduku me Isikan ka Rwot kabedo mere kame oudo koiko ne.

1 Iyutun 16:1

Gin kiko tero Sanduku me Isikan ka Rwot di kiko kete i yi eema kame Daudi oudo ogero ne; di gin kiko mino Rubanga giayala awanga kede giayala me nywak.

1 Iyutun 24:31

Gida bin kopopoko negi tice kede uco alulu bala kame oudo kotimo kede ne ikwae ka Aaron, i nyim Abaka Daudi, Sadoki, Akimelek, kede jotel me diakale me josaseredoti kede me Jolebi, abongo apokapoka moro.

1 Iyutun 9:34

Jo kame nying gi tie malo go oudo obedo jotel me miere me Jolebi, di lubere kede ude ka joakwari gi; jotel nogi bin bedo Yerusalem.

2 Iyutun 1:2

Sulumani bin oko lwongo jo dedede me Isirael, jotel me ikodeta me isirikalen atie tutumia acel tutumia acel, kede atie tol acel tol acel, jongolkop, jotel me Isirael, jotel me miere, kede jo dedede.

2 Iyutun 1:4

(Do Sanduku me Isikan oudo tie Yerusalem i eema kame Daudi oudo ogero kunono kakame edwoke kede ki Kiriat Yearim.)

2 Iyutun 30:15

Di i buto duwe tomon kiwie ongwon me duwe me are gin kiko ngongolo romini me Ebaga me Kalamo. Lewic oko mako josaseredoti kede Jolebi kalikame oudo olonyere mak atek, di do gida kiko lonyere di kiko tero giayala awanga i tempulo.

2 Iyutun 35:6

Ngongolunu romini me Ebaga me kalamo, lonyerenu, iikunu jamini kame mitere pi imiegu wu. Lubunu kope dedede kame Rwot bin omio Musa.”

2 Iyutun 5:11

Josaseredoti dedede koudo tie kanono oko lonyere abongo popoko ikodeta gi. Jolebi kobedo jower dedede, gin en Asap, Keman, kede Yedutun, kede jo me ude kame gin kiwok kiye, oudo tie ngapo igoen aliamaliam. Jolebi oko cungo i bad tetu kide me alutari, di kitie kede bule kede adungu, di josaseredoti tol acel kede ot are (120) tie kuto agwarai. Jo oudo tie wer di okuto agwarai di ogo bule kede jamini ace me goc, di dwan gi upere kede wer. Oudo kitie pako Rwot di kiwero be, “Opakunu Rwot, piento en eber, doko amara mere bedo nakanaka.” Kakame josaseredoti oudo tie donyo kede ooko me tempulo, edou oko umo yi tempulo pukupuk, omio josaseredoti likame oko karuno timo tic gi, pien rieny me deyo ka Rwot oudo oromo yi tempulo dedede.

2 Iyutun 5:2

Di do Abaka Sulumani bin oko lwongo joadongo me Isirael kede jotel me ikekon, jotel me ude me joakwari me Isirael, pi gin bino bute Yerusalem tetekeny kikwany Sanduku me Isikan ka Rwot ki Sion, Bomba ka Daudi, di kiko tere i tempulo.

Nekemia 13:22

Ango ako mino cik but Jolebi pi gin lonyere di kiko bino daro irutei, tetekeny kinen be jo ogwoko ceng Sabato obedo ceng kacil. Okwe Rubanga, ango akwai iyutuno ango pi manoni, di iko gwoka pi amara ni adwong kalikame lokere.

Isaya 52:11

Yaunu, yaunu tenge ki kunono! Wun jo kame yeo jamini me timo tic ka Rwot, kur imulunu gimoroni komunaun; yaunu tenge kiye di ikounu lonyere.

Esekeri 48:11

Kanoni bino bedo pi josaseredoti kobedo ikwae ka Sadoki. Gin bin kidong jo agenere buta kakame Jolebi kede jo ace me Isirael oparao kede tenge kibuta.

Yokana 17:17

Lony gi kede ateni; kop nin en ateni.