1 Iyutun 14:10 - Baibuli I Leb Kumam 2013

¹⁰ Daudi oko penyo Rubanga be, “Benyo, aot di ako suro jo Pilistia? Ibino mino gi i cinga?” Rwot oko waco ne Daudi be, “Oti, di ango ako bino mino gi i cingi.”

1 Iyutun 14:10 Iomraidhean Croise

2 Samuel 2:1

Kikano di mano otiek, Daudi oko penyo Rwot be, “Benyo, aoti ako donyo i bomba moro me Yuda?” Rwot oko dwoko ne be, “Ebo, oti.” Daudi oko penye be, “Abin aoti i mene?” En eko dwoko be, “Keburon.”

2 Samuel 5:19

Daudi oko penyo Rwot be, “Benyo, aot di ako suro jo Pilistia? Ibino mino gi i cinga?” Rwot oko waco ne Daudi be, “Oti; pien ateteni ango abino mino jo Pilistia i cingi.”

2 Samuel 5:23

Daudi bobo oko penyo Rwot di Rwot oko waco ne be, “Kur iot suro gi i nyim gi; do manaro cen ngei gi, di iko suro gi ki kuno, tetu nget yen kame kolwongo be balsam.

1 Abakai 22:6

Di abaka me Isirael oko coko inabin aromo bala tol ongwon karacel, di eko penyo gi be, “Aoti asur Ramot arabo aweki?” Gin kiko dwoko ne be, “Oti isure, pien Rwot bino mine i cingi.”

1 Iyutun 13:3

Di do wan okounu ot kelo Sanduku me Isikan ka Rubanga wa but wa kan, gikame wan oudo likame oparunu pire i kare me apugan ka Saulo.”

1 Iyutun 14:11

Aso, Daudi oko ot Baal Perasim, di eko bwono gi ki kuno. En ewaco be, “Rwot otieko tic keda pi nyano diere me jokwor na bala alele kame dipere.” Pi mano, oko do lwongo kabedo nono be Baal Perasim.

1 Iyutun 14:14

Daudi bobo oko penyo Rubanga di Rubanga oko waco ne be, “Kur iot suro gi i nyim gi; do manaro cen ngei gi, di iko suro gi ki kuno, tetu nget yen kame kolwongo be balsam.

1 Iyutun 14:9

Isirikalen me Pilistia oudo obino di kiko timo yak i aditot me Repaim.

Agole 3:6

Mi Rubanga teli i gi dedede kame in itimo, di en eko bino rieno ni yongayo kame in ilubo.

1 Samuel 30:8

Daudi di oko penyo Rwot be, “Benyo, awap joyak gi? Abino mako gi i yongayo?” Rwot oko dwoko ne be, “Wap gi; pien ateteni in ibino mako gi i yongayo di iko lako jo kame gin kimako.”