1 Iyutun 14:1 - Baibuli I Leb Kumam 2013

¹ Abaka Kiram me Taya bin oko cwano jo but Daudi; en ecwao gi kitero ne yen seda kede jogedo pi ot gero ne abaka ot.

1 Iyutun 14:1 Iomraidhean Croise

2 Samuel 7:2

abaka oko waco ne enabi Natan be, “Neni, nataman ango atie bedo i ot kame kogero kede yen seda, do Sanduku me Isikan ka Rubanga tie bedo i eema!”

1 Abakai 5:1

Kakame bin Abaka Kiram me Taya owinyo kede be oudo kotieko wiro Sulumani pi lunyo wang papa mere bala abaka, en eko cwano jotic mege bute, piento en bin ebedo adieru me Daudi.

1 Abakai 5:15

Sulumani oudo bobo da tie kede jomuk kide tutumia ot kanyauni (80,000) i piny kobedo mori mori, kede jo tutumia ot kanyaare (70,000) kame yeo gi;

1 Abakai 5:18

Jotic ka Sulumani kede me ka Kiram kede jo me bomba me Gebal oko iiko kide kede ibaon me gero ot ka Rwot.

1 Abakai 5:6

Aso, mi cik but jotic ni wek kiot Lebanon di kiko tongo nango yen seda. Jotic nango bino timo tic karacel kede jotic nin, di ango ako bino culo gi gimoroni kenekene kame in ibino waco; pien in ingeo be likame tie ngatamoro kikom wan kame ngeo tongo yen bala jo me Sidon.”

1 Iyutun 14:2

Di do Daudi oko niang be Rwot oudo otieko kete bedo abaka me Isirael, doko da be Rwot en kame oudo omio ajakanut mere odongo twatwal pi jo mege me Isirael.

1 Iyutun 17:1

Di bin Abaka Daudi odonyo bedo i paco mere me abaka, en eko waco ne enabi Natan be, “Neningo, nataman ango atie bedo i ot kame kogero kede yen seda, do Sanduku me Isikan ka Rwot tie bedo i eema!”

1 Iyutun 22:2

Abaka Daudi oko mino cik me coko karacel jokumbor dedede kame oudo tie bedo i lobo me Isirael, di en eko mino gi tic. Jo ace kikom gi en emio gi tic me pano kide me gero tempulo.

2 Iyutun 2:2

Sulumani bin oko rwako jo i tic tetek; jo tutumia ot kanyaare (70,000) kame yeo jame me gedo, kede jo tutumia ot kanyauni (80,000) kame pao kide. Jo kame daro jotic oudo tie tutumia adek kede tol kanyape (3,600).

2 Iyutun 2:3

Sulumani bin oko cwano kop but Abaka Kiram me Taya be, “In bin iwinyere kede papa na Daudi di iko bedo cwano ne yen seda me en gero kede gi ot kame en oudo emito bedo iye.

Esera 3:7

Jo bin oko kwanyo sente me culo jo kame gero apama kede jo kame guro ibaon; doko da kiko kwanyo cam, giamata, mo me olibeti pi cwano i bomban me Taya kede Sidon, pi seso kede yen seda me Lebanon, kame oudo kopoore mino mol beo i nam adwong tuno Jopa. Oudo kitimo manoni di lubere kede akarunikin kame Sairas, abaka me Pasia omio.