1 Iyutun 13:5 - Baibuli I Leb Kumam 2013

⁵ Aso, Daudi oko coko jo dedede me Isirael cako ki ikor me Misiri i bad tetu piny ape tuno Lebo Kamat i bad tetu malo. En ecoko gin dedede karacel pi omo Sanduku me Isikan ka Rubanga ki Kiriat Yearim di kiko tere Yerusalem.

1 Iyutun 13:5 Iomraidhean Croise

2 Samuel 6:1

Daudi bobo oko coko isirikalen me Isirael tutumia ot adek (30,000), kame koyero ayera.

1 Abakai 4:21

Sulumani bin oko pugo ajakanuto dedede cako ki ecilet me Eupurate tuno i lobo me jo Pilistia, ape tuno i ikor me Misiri. Gin bin kibedo culo esolo bute di kitimo ne tic pi kare me kuo mere lung.

1 Abakai 8:65

Aso, Sulumani kede jo me Isirael dedede oko tedo ebaga pi ceng kanyaare. Twon ekodet me jo en kame bin tie kunono, jo kame bin owok cako ki Lebo Kamat tuno i esamai me ikor me Misiri.

2 Abakai 25:21

Abaka me Babilon oko mino koneko gi i Ribula kunono, i lobo me Kamat. Aso, bin oko tero jo me Yuda ot bedo bala mabus i lobo apat.

1 Iyutun 13:4

Jo dedede oko yei kede tam mere nono, pien tam nono oudo yomo cuny gi.

1 Iyutun 13:6

Di Daudi kede jo dedede me Isirael oko ot i bomba me Baala, manono en Kiriat Yearim, kame tie i adul me Yuda, pi omo Sanduku me Isikan ka Rubanga, sanduku kame kolwongo kede nying Rwot kame bedo malo i wi cerubim.

1 Iyutun 15:3

Daudi oko coko jo me Isirael dedede Yerusalem pi tero Sanduku me Isikan ka Rwot kabedo mere kame oudo koiko ne.

Isaya 23:3

gin kingolo twon pie pi wilo kede cato engano me Sikor, kame kopuro i dog ecilet me Nail; oudo icatunu wil kede atekerin atot.

Yeremia 2:18

Iparo be nyo aber kame ibino udo kame ioto Misiri, pi mato pii me ecilet me Nail? Arabo iparo be nyo aber kame ibino udo kame ioto Asiria, pi mato pii me ecilet me Eupurate?

Yosua 9:17

Jo me Isirael oko yai ot di kiko tuno i bomban kame jo nogo bedo iye ingei ceng adek, gin en bomban me Gibeon, Kepira, Berot, kede Kiriat Yearim.

1 Samuel 6:21

Aso, gin kiko oro jo but jo me Kiriat Yearim pi waco negi be, “Jo me Pilistia otieko dwoko Sanduku me Isikan ka Rwot. Bia iomenu.”

1 Samuel 7:1

Jo me Kiriat Yearim oko omo Sanduku me Isikan ka Rwot di kiko tere i ot ka Abinadab i wi emukura. Gin kiko kwero wode kame nyinge Eleasar pi bedo ngat kame gwoko Sanduku nono.

1 Samuel 7:2

Sanduku me Isikan ka Rwot oko bedo Kiriat Yearim pi kare alac, aromo bala mwakini ot are, di jo dedede me Isirael oko donyo paro Rwot.