1 Iyutun 13:12 - Baibuli I Leb Kumam 2013

¹² Cenge nono Daudi oko bedo kede lworo atek but Rubanga di eko waco be, “Benyo benyo kame ango akaruno doko kede ngat kame gwoko Sanduku me Isikan ka Rubanga?”

1 Iyutun 13:12 Iomraidhean Croise

1 Abakai 8:27

“Do in, Okwe Rubanga, kom ateteni ibino bedo i lobo kan? Akadi malo lung likame romi, kara do benyo benyo kame ot noni kame ango atieko gero bino romi kede?

1 Iyutun 13:11

Cuny Daudi oko wang pien Rwot oudo oko neko Usa di elilo. Manono oko mino oko donyo lwongo kabedo nono be Peres Usa tuno tin.

1 Iyutun 13:13

Aso, Daudi likame oko yei tero Sanduku me Isikan ka Rwot i bomba mere, pi en koto gwoke i kuno; do en eko lokere tere i ot ka Obed Edom dano me bomba me Gat.

1 Iyutun 21:30

do Daudi oudo likame karuno ot woro Rubanga kunono, pien oudo elworo epima ka malaika ka Rwot.

Sabuli 119:120

Koma miel pi lwori, doko ango alworo ngolo kop nin.

Isaya 6:5

Ango ako waco be, “Atie i can! Abino to, pien kope awok ki doga obedo kope areco, doko da ango abedo i diere me jo kame kope awok ki dog gi reco; do di wanga otieko neno Abaka, en Rwot me jo yi.”

Matayo 25:24

“Di do dano kame oudo ogamo talente acel nono da oko bino di ewaco be, ‘Adwong, ango oudo angeo be in ibedo dano kame ekite mere tek, ikao ki kakalikame i cuo iye, doko icoko ki kaka likame ipieto iye;

1 Samuel 6:20

Di jo me Bet Semes oko waco be, “Ngai kame sobolo cungo i nyim Rwot, Rubanga kacil noni? Tuai kame eoti iye tetekeny ewek wan odong ken wa?”