1 Iyutun 12:8 - Baibuli I Leb Kumam 2013

⁸ Magi en nying isirikalen me ekeko ka Gad kame oudo ipirana i yi, gin jo kame bin oko donyo but Daudi i kare kame oudo etie kede i wi tim, kakame en oudo eguro iye. Gin oudo ipirana i yi me ibukui kede tongini; oudo kiger bala inguon di kidwir bala atil me wi mori.

1 Iyutun 12:8 Iomraidhean Croise

2 Samuel 1:23

Saulo kede Jonasan, jo oudo maro gi doko oudo kiyomo cuny jo! I kare me kuo kede i kare me to gin likame kipokere; gin oudo kom gi mit kalamo ekokom, oudo kitek kalamo inguon.

2 Samuel 17:10

Manono ko bino mino lworo mako akadi isirikalen kame tek i yi da, kame lworo li i cuny gi bala inguon, cuny gi bino pirisar atwal pien jo dedede me Isirael ngeo be papa nin obedo ngayi, doko jo mege obedo jo yi atek.

2 Samuel 2:18

Awobe ka Seruya adek oudo tie kuno, Joab, Abisai kede Asakel. Asakel oudo dwir bala atil.

2 Samuel 23:20

Benaya wot ka Yekoyada dano me Kabusel oudo obedo ngayi kame nyinge ngere; en etimo gikame dongodongo. En eneko awobe are ka Ariel me Moab. I ceng moro da bin eoto di eko neko engu i bur, i ceng kame akako ocwei kede.

1 Iyutun 11:16

I esawa nono Daudi oudo tie i wi emukura kakame tuno iye tek; kede da ekodet me jo Pilistia mogo oudo tie Betelem.

1 Iyutun 11:22

Benaya wot ka Yekoyada dano me Kabusel oudo obedo ngayi kame nyinge iruo; en etimo gikame dongodongo. Eneko awobe ka Ariel me Moab are. I ceng moro da bin eoto di eko neko engu i bur i ceng kame akako ocwei kede.

1 Iyutun 12:16

Jo mogo me ekeko ka Benjamin kede me ka Yuda bin oko ot but Daudi, kabedo koudo obedo kateko mere.

1 Iyutun 12:9

Gin oudo kilubere i ruom gi kaman: Eser en oudo ngatel, di Obadia lube, di Eliab, Misimana, Yeremia, Atai, Eliel, Yokanan, Elisabad, Yeremia, kede Makabanai.

2 Iyutun 25:5

Abaka Amasia bin oko keto cuo me ikekon ka Yuda kede Benjamin i ikodeta me isirikalen, di lubere kede diakale gi, di eko keto jodongo kame telo isirikalen tutumia tutumia, kede kame telo isirikalen tol acel tol acel. En ecoko cuo kame mwakini gi me dongo oudo tie ot are ot malo. En eko maro wel gin dedede di eko udo be kitie tutumia tol adek (300,000), cuo kame koyero, kame romo mako tong kede ebuku di kiko ot i yi.

Agole 28:1

Jo areco poi ringo akadi di ngatamoro likame tie wapo gi, do jo kopoore cuny gi nwang bala engu.

Agole 6:5

marao kuo ni bala atil kame marao kuo mere ki cing ngadwar leini, arabo bala winyo kame marao kuo mere ki cing ngadwar winy.

Wer amit 8:14

Susunyo bino buta, opa na me amara. Bed dwir bala amiem icuo apwodi iyapakina, pi ot i mori kakame yen angwe kur dongo iye.

Yeremia 46:9

Miunu asigiran cak ot, di cabalan ko lor ringo kede teko! Jo atek i yi poore ot anyim: cuo me Abisinia kede Libiya kame tie mako ibukui, kede cuo me Lidia kame tie kede diru i gweno emal.’ ”

1 Samuel 23:14

Daudi oko dong bedo kakopwono mere i piny kobedo mori mori, i wi tim kiyapiyapi kede bomba me Sip. Saulo oko bedo mone ceng dedede, do Rwot likame oko mine i cinge.

1 Samuel 23:29

Daudi oko do yai ki kunono di eko donyo pwono i adul me Engedi.

1 Samuel 24:22

Aso, Daudi oko kwongere but Saulo. Di do Saulo oko ot paco; do Daudi kede jo mege oko dok kapwono gi.