1 Iyutun 12:3 - Baibuli I Leb Kumam 2013

^3-7 Jotel gin bin en Akieser kede Yowasi, awobe ka Sema me Gibea. Nying jo kame gin bin kitelo ige: Yesiel kede Pelet, awobe ka Asimabet Beraka kede Yeku, jo me Anatot Isamaya dano me Gibeon, en sirikale kame oudo nyinge iruo twatwal doko en oudo ngatel me isirikalen Ot Adek kame bin tek i yi twatwal, Yeremia, Yakasiel, Yokanan, kede Yosabad me Gedera Elusai, Yerimot, Bealia, Semaria, kede Sepatia me Karip Elikana, Isia, Asarel, Yoeser, kede Yasobeam me diakal ka Kora Yoela kede Sebadia, awobe ka Yerokam me Gedor.

1 Iyutun 12:3 Iomraidhean Croise

2 Samuel 21:6

Nan mi wa awobe kanyaare kobedo ikwae mege, di wan oko ot lieliero gi i nyim Rwot i Gibea, en bomba ka Saulo, abaka kame Rwot oyero.” Abaka oko dwoko be, “Abino mino gi i cing wu.”

2 Samuel 23:31

Abialbon me Araba; Asimabet me Bakurim;

1 Iyutun 11:28

Ira wot ka Ikes me Tekoa;

1 Iyutun 11:33

Asimabet me Bakarum, Eliaba me Salabon,

1 Iyutun 12:2

Gin oudo kibedo jo me ekeko ka Benjamin, doko Saulo da oudo obedo dano me ekeko nono. Gin oudo kikaruno gweno emal akadi lwomo aporocet me engaro kede cing gi moro ni kenekene, tetu ngodal amoto tetu cam.

2 Iyutun 20:26

I ceng me ongwon gin kiko cokere i Aditot me Bereka di kiko pako Rwot pi gikame oudo etimo.

1 Samuel 11:4

Kakame jo kame kocwao otuno kede Gibea kakame Saulo bedo iye, gin kiko waco kop nono di jo dedede tie winyo; jo dedede oko koko kede dwan amalo.