1 Iyutun 12:22 - Baibuli I Leb Kumam 2013

²² Jo bin obedo donyo but Daudi buli ceng, pi konye, tuno en udo twon ekodet me isirikalen kame cal bala ekodet me isirikalen ka Rubanga.

1 Iyutun 12:22 Iomraidhean Croise

Ageini 32:2

Kakame eneno gi kede, en eko waco be, “Magi en isirikalen ka Rubanga!” Aso, en eko cako nying kanono be Makanaim.

2 Samuel 3:1

Yi bin oko bedo tie i dierediere me jo me ot ka Saulo kede ot ka Daudi tieko kare alac; Daudi bin oko meede ameda doko tek, di jo me ot ka Saulo meede ameda doko goro.

Yobu 17:9

Do ngat kopoore meede ameda kede ekite mere, doko da ngat araco moro li i cinge medo doko tek ameda i cunye.

Sabuli 148:2

Pakenu, wun imalaikan mege dedede; pakenu wun jo yi mege dedede!

Yosua 5:13

Kakame Yosua onoko kede Jeriko, en eko neno icuo kowoto epima etie mako i cinge. Yosua oko ot bute di oko penye be, “In dano wa arabo ngat acel kikom jokwor wa?”

Yosua 5:14

Icuo nono oko dwoko be, “Li, do ango nan abino kan bala ngadwong me isirikalen ka Rwot.” Yosua oko riebere piny i lobo pi mine wor, di eko waco ne be, “Adwong, ango ngatic ni, nyo kame itie ciko na pi timo?”

1 Samuel 29:10

Nataman do in yai odiko sek, in karacel kede jotic me adwong ni kobino kedi, di ikounu ot kabedo kame ango amio wu. Kur imak kop arac kame owaco no i cunyi, piento in lem ibedo kede ango kiber. Yaunu odiko sek di ikounu cako ot di pwodi ceng wok awoka.”

1 Samuel 30:1

Nataman do kakame Daudi kede jo mege oko tuno kede Sikilag i ceng me adek mere, kiko udo jo Amalek otieko yako adul kame oudo tie tetu piny me Yuda kede Sikilag. Oudo kitieko suro Sikilag di kiko wange dopodop,