1 Iyutun 12:2 - Baibuli I Leb Kumam 2013

² Gin oudo kibedo jo me ekeko ka Benjamin, doko Saulo da oudo obedo dano me ekeko nono. Gin oudo kikaruno gweno emal akadi lwomo aporocet me engaro kede cing gi moro ni kenekene, tetu ngodal amoto tetu cam.

1 Iyutun 12:2 Iomraidhean Croise

1 Iyutun 12:3

Jotel gin bin en Akieser kede Yowasi, awobe ka Sema me Gibea. Nying jo kame gin bin kitelo ige: Yesiel kede Pelet, awobe ka Asimabet Beraka kede Yeku, jo me Anatot Isamaya dano me Gibeon, en sirikale kame oudo nyinge iruo twatwal doko en oudo ngatel me isirikalen Ot Adek kame bin tek i yi twatwal, Yeremia, Yakasiel, Yokanan, kede Yosabad me Gedera Elusai, Yerimot, Bealia, Semaria, kede Sepatia me Karip Elikana, Isia, Asarel, Yoeser, kede Yasobeam me diakal ka Kora Yoela kede Sebadia, awobe ka Yerokam me Gedor.

1 Iyutun 8:40

Awobe ka Ulam oudo obedo jo yi acuny gi nwang, di kitie kede apiranut me yi kede emal. En oudo etie kede jo tol acel kede ot kany (150) kobedo awobe mege kede awobe kobedo ikwae mege. Jo dedede kame nying gi tie malo go oudo obedo ikwae ka Benjamin.

Sabuli 78:9

jo Epuraimu oudo omako imalia gi, gin kiko wilun ringo cen i ceng me yi.

Jongolkop 20:16

Kikom isirikalen nogi, oudo tie iye cuo tol kanyaare (700) kame koyero ayera, kame oudo obedo ingodala; ngat acelacel kikom gi oudo twero pimao yer acel kede engaro me aporocet di likame eko bwot dipe.

Jongolkop 3:15

Do kakame jo me Isirael oko kok kede but Rwot, en eko cwano negi dano pi lako gi. Dano nono bin en Ekud wot ka Gera, kame oudo yai ki ekeko ka Benjamin. En oudo ebedo engodal. Jo me Isirael bin oko cwane kede giamia pi tero ne Abaka Egilon me Moab.

1 Samuel 17:49

Daudi oko rwako cinge i yi ikapu mere, eko kwanyo engaro di eko pworoso en kede aporocet, di eko dipo Goliat i nyime; engaro nono oko lwiny i nyime di eko poto piny ariebacuny.