1 Iyutun 12:18 - Baibuli I Leb Kumam 2013

¹⁸ Tipo ka Rubanga oko donyo i kom Amasai, ngatel me isirikalen ot adek kame ngeo yi twatwal nogo, di eko waco be, “Okwe Daudi wot ka Yese, wan obedo megi! Mulem bed buti kede but jo kame konyi! Pien Rubanga nin en kame konyi!” Di do Daudi oko gamo gi di eko mino gi kibedo jodongo me isirikalen mege.

1 Iyutun 12:18 Iomraidhean Croise

2 Samuel 15:21

Do Itai oko dwoko ne abaka be, “Adwong, alairo i nying Rwot kede i nyingi be, ango abino bedo tie kedi kabedo dedede kame in ioto iye, akadi i to amoto i kuo.”

2 Samuel 17:25

Abisolom oudo oketo Amasa pi bedo ngadwong me isirikalen kawang Joab. Amasa oudo obedo wot ka Jeta Ngaisimael; toto mere oudo obedo Abigail nyar ka Nakas kede amin me Seruya toto me Joab.

2 Samuel 19:13

Doko da wacenu Amasa be, ‘Benyo, mam wan obedo wade? Cako nan ango atie keti bedo ngadwong me isirikalen kawang Joab; Rubanga cwai epie gwea ka atie ngalo.’ ”

2 Samuel 5:2

I kare moro kokato, di pwodi Saulo en oudo obedo abaka wa, in en kame oudo ibedo telo jo me Isirael ot yi. Rwot bin oko waco ni be, ‘In ibino bedo ngakwat me jo na me Isirael, doko in ibino pugo gi.’ ”

1 Abakai 9:22

Do Sulumani bin likame omio dano moro me Isirael obedo epasoit; gin bin kibedo isirikalen, jodongo me tice mege, jotel me isirikalen mege, jotel me cabalan me yi kede jo kame ringo kede asigiran mege.

2 Abakai 10:15

Yeku oko bobo yai ki kuno di eko riamo kede Yekonadab wot ka Rekab di oudo etie bino bute. Yeku oko mote di eko penye be, “Cunyi tie i koma bala kame ada mera tie kede i komi?” Yekonadab oko dwoko be, “Twatwal.” Yeku oko waco be, “Aso cwai cingi kan.” Yekonadab oko cwano cinge di Yeku oko mako cinge di eko konye yito i cabala.

2 Abakai 10:5

Aso, ngadwong kame lo paco ka abaka kede ngadwong kame lo bomba, karacel kede joadongo kede jo koudo daro idwe ka Akab oko cwano ne Yeku kop be, “Wan obedo jotic nin, wan obino timo gi dedede kame in iwaco ne wa. Wan likame obino cibo ngatamoro doko abaka; in tim gikame in ingeo be ber.”

2 Abakai 9:32

Yeku oko ngino malo i dirisa di eko lelemo be, “Ngai kame tie i bad na? Ngai?” Cuo aromo bala are amoto adek kobedo jotic me paco ka abaka oko rwako wi gi ki dirisa ngine.

1 Iyutun 11:11

Me agege oudo obedo Yasobeam, dano me ot ka Kakimoni, en oudo ebedo ngatel me “Jo Adek”. En bin eyi kede jo tol adek kede tong mere di eko neko gin dedede i wang yi acel.

1 Iyutun 12:17

Daudi oko ot riamo kede gi di en eko waco negi be, “Ka wun ibinunu bala jowota pi konya, ango agamo wu kede cuny aber. Do ka wun ibinunu pi duporo ango but jokwor na, bed bala ango likame atimo ne wu rac moro, akwao Rubanga ka joakwari wa nen manono di eko mino wu alola.”

1 Iyutun 2:17

Nyare ocelu anyinge Abigail bin oko nyomere kede Yeter, akwar Isimael, di kiko nywalo awobi anyinge Amasa.

Isaya 59:17

En engapo kuo kopoore bala ebuku me gagao kor, kede twer me lako jo bala ocoro atek me gwoko wic. En ebino bedo kede cuny me timo onyanga bala egoe mere me angapa, di eko umere kede lilo bala egoe adoka.

Sakaria 8:23

I kare nono jokumbor tomon bino makakin i egoe me Eyudayat acel di kiwaco ne be, ‘Wan omito ot kedi, pien wan owinyo be Rubanga tie kede wun.’ ”

Matayo 12:30

“Ngat kalikame tie pira udo edaga, kede dano kame likame coko kede ango udo en esasaro.

Jogalatia 6:16

Mulem kede kisa bed but jo dedede kame lubo iswil noni, kede but Isirael ka Rubanga.

Jongolkop 13:25

Di twer ka Rwot oko cako mine teko kakame oudo etie kede i Makane Dan, kame tie dierediere me Sora kede Esitaol.

Jongolkop 3:10

Tipo ka Rwot bin obino i kome, di en eko doko ngatel me jo me Isirael. Otiniel bin oko ot yi kede Abaka Kusan Risataim me Mesopotamia, di Rwot oko mino abaka nono i cinge.

Jongolkop 6:34

Tipo ka Rwot bin oko bino i kom Egidioni, di en eko kuto agwara pi lwongo jo me ot Abieser pi lube.

Lusi 1:16

Lusi oko dwoko be, “Kur idia weki! Weka aupere kedi. Kakame in ioto iye ada abino ot iye; kakame in ibedo iye ada abino bedo iye. Jo nin bino bedo jo nada, doko da Rubanga ni bino bedo Rubanga nada.

1 Samuel 16:4

Samuel oko timo gikame Rwot owaco ne di eko ot Betelem. Joadongo me bomba oko ot pi siramo en di kom gi miel di kipenye be, “Bino ni noni tie me mulem?”

1 Samuel 16:5

En eko dwoko be, “Ebo, etie me mulem. Ango abino kan pi mino Rwot giayala; lonyerenu ikounu upere keda ot mino giayala.” En eko lonyo Yese kede awobe mege di eko lwongo gi pi ot kede mino giayala.

1 Samuel 22:7

Saulo oko waco ne jotic mege be, “Nataman winyunu, wun jo me ekeko ka Benjamin; iparunu be Daudi bino mino wun dedede poti me apura kede poti me olok? Iparunu be en ebino mino wu ibedunu jotel me isirikalen mege?

1 Samuel 24:12

Ango akwao Rwot epok i diere nango kedi ngat kame tie kede raco! Akwae eniang gikame in itimo na; do ango likame abino keto cinga i komi.

1 Samuel 24:13

Bala kame agole kariki sek waco kede be, ‘Jo areco en kame timo tim areco’; do ango likame abino keto cinga i komi.

1 Samuel 24:16

Kakame Daudi bin otieko yamo ne kede Saulo kope nogi, Saulo oko penye be, “Mam dwani ine, atin na Daudi?” Saulo oko donyo boroboro koko.

1 Samuel 8:12

En ebino mino mogo kikom gi doko jodongo me isirikalen tutumia, apat mege jodongo me isirikalen ot kany. Awobe wu bino puro poto mere, kede coko cam mege kipoto mere. Ace bino bedo jocwei jamini mege me yi kede me kom cabalan mege.