1 Iyutun 11:6 - Baibuli I Leb Kumam 2013

⁶ Daudi oko waco be, “Ngat kame bino cako suro jo Yebu bino doko ngadwong me isirikalen.” Di Joab wot ka Seruya en oko cako ot, di do en eko doko ngadwong me isirikalen.

1 Iyutun 11:6 Iomraidhean Croise

2 Samuel 2:13

Joab wot ka Seruya, kede jotic ka Daudi, oko ot di kiko riamo kede gi i nget atapar me Gibeon. Ekodet acel oko bedo i nget atapar tetucel, di ekodet ocelu da oko bedo i tetuca.

2 Samuel 2:18

Awobe ka Seruya adek oudo tie kuno, Joab, Abisai kede Asakel. Asakel oudo dwir bala atil.

2 Samuel 20:23

Joab en koudo telo wi isirikalen me Isirael; Benaya wot ka Yekoyada oudo telo wi isirikalen adaro Daudi;

2 Samuel 3:27

Kakame Abuneri oko tuno kede Keburon, Joab oko tere tenge i nget erute di ineno bala oudo en emito yamo kede i mung, eko cobe i yie i kuno. Aso, bin Joab oko neko Abuneri pi culo kwor ka omin mere Asakel.

2 Samuel 8:16

Joab kame nying toto mere oudo Seruya en kame oudo obedo ngatel me isirikalen; Yekosapat wot ka Akilud en kame bin wandiko kope dedede kame timere;

1 Abakai 1:7

En bin eko winyere kede Joab wot ka Seruya, karacel kede Abiata ngasaseredoti di gin kiko yei gange.

1 Iyutun 11:5

Jo kame bin bedo Yebu oko waco ne Daudi be, “Likame ibino donyo kan.” Akadi kamanono da, Daudi bin oko mano Sion kakame oudo kocelo di tek, kame nataman kolwongo be Bomba ka Daudi.

1 Iyutun 11:7

Daudi bin oko donyo bedo i kabedo kame oudo kocelo di tek nono, di oko donyo lwonge be “Bomba ka Daudi”.

1 Iyutun 18:15

Joab kame nying toto mere oudo Seruya en kame oudo obedo ngatel me isirikalen; Yekosapat wot ka Akilud en kame bin wandiko kope dedede kame timere;

1 Iyutun 27:34

Ingei to ka Akitopel, Abiata kede Yekoyada wot ka Benaya en oko doko jo mi tam. Joab en kame bin obedo ngatel me isirikalen ka abaka.

Sabuli 60:9

Okwe Rubanga, ngai kame bino tera i bomba kame kocelo kede apama atek? Ngai kame bino tela tera Edom?

1 Samuel 17:25

Jo me Isirael oko donyo waco be, “Mam inenunu icuo kobino no? Ateteni en ebino pi kelo acae i wi jo me Isirael. Abaka otieko cikere pi mino ngat kame bino neke twon giamia adwong; doko da ebino mino ngat nono nyare pi bedo dako mere, kede eko weko jo turgi dano nono likame donyo culo esolo.”