1 Iyutun 11:5 - Baibuli I Leb Kumam 2013

⁵ Jo kame bin bedo Yebu oko waco ne Daudi be, “Likame ibino donyo kan.” Akadi kamanono da, Daudi bin oko mano Sion kakame oudo kocelo di tek, kame nataman kolwongo be Bomba ka Daudi.

1 Iyutun 11:5 Iomraidhean Croise

2 Samuel 5:9

Daudi bin oko donyo bedo i kabedo kame oudo kocelo di tek nono, di en eko cako nyinge be Bomba ka Daudi. En bin eko meede gero bomba rimaro en, cako ki kakame kotoro kame oudo tie tetu kide mere.

2 Samuel 6:10

Aso, Daudi likame oko yei tero Sanduku me Isikan ka Rwot i bomba mere, pi en koto gwoke i kuno; do en eko lokere tere i ot ka Obed Edom dano me bomba me Gat.

2 Samuel 6:12

Bin oko waco ne Abaka Daudi be, “Rwot otieko mino winyo but jo me ot ka Obed Edom kede jamini mege dedede pi Sanduku me Isikan ka Rubanga.” Manono oko mino Daudi oko ot di eko omo Sanduku me Isikan ka Rubanga ki ot ka Obed Edom di eko tere i bomba mere kede kilel kadwong.

1 Abakai 8:1

Di do Abaka Sulumani bin oko lwongo joadongo me Isirael kede jotel me ikekon, jotel me ude me joakwari me Isirael, pi gin bino bute Yerusalem tetekeny kikwany Sanduku me Isikan ka Rwot ki Sion, Bomba ka Daudi, di kiko tere i tempulo.

1 Iyutun 11:4

Abaka Daudi bin oko yai kede jo dedede me Isirael pi ot suro Yerusalem, manono en Yebu, kakame jo Yebu oudo bedo iye, gin jo kame kicako bedo i lobo nono.

1 Iyutun 11:6

Daudi oko waco be, “Ngat kame bino cako suro jo Yebu bino doko ngadwong me isirikalen.” Di Joab wot ka Seruya en oko cako ot, di do en eko doko ngadwong me isirikalen.

1 Iyutun 11:7

Daudi bin oko donyo bedo i kabedo kame oudo kocelo di tek nono, di oko donyo lwonge be “Bomba ka Daudi”.

2 Iyutun 5:2

Di do Abaka Sulumani bin oko lwongo joadongo me Isirael kede jotel me ikekon, jotel me ude me joakwari me Isirael, pi gin bino bute Yerusalem tetekeny kikwany Sanduku me Isikan ka Rwot ki Sion, Bomba ka Daudi, di kiko tere i tempulo.

Sabuli 122:5

Abakai me ekeko ka Daudi obedo i komini gi me ajakanut i kanoni, pi ngolo ne jo kop.

Sabuli 132:13

Pien Rwot otieko yero Sion; cunye mito be edok kabedo mere:

Sabuli 2:6

“Ango atieko keto abaka na i Sion, i wi moru na kacil.”

Sabuli 48:2

Sion moru ka Rubanga, bomba kame tie kakawiriwir tetu malo, cungo idelelei di ecil; en eyomo cuny jo me piny lung, en kabedo me abaka adwong.

Sabuli 78:68

Do en eko yero jo me ekeko ka Yuda, kede moru me Sion kame oudo en emaro.

Sabuli 87:2

Rwot maro bomba me Yerusalem kalamo kabedere dedede me Isirael.

Sabuli 87:5

Do kobino waco kop i kom Sion be, konywalo jo dedede kuno; pien Ngamalo Twal en kame bino mino Sion cungo.

Sabuli 9:11

Werunu were me pako Rwot, ngat kame bedo i Sion. Tucunu tice mege ngere but jo.

Joroma 9:33

bala kame kowandiko be, “Neningo, ango atie keto engaro i Sion kame bino getaro jo, lela kame bino mino gi kipopoto. Do ngat kame yei en likame kobino mino lewic mako.”

Iburanian 12:22

Do wun itiekunu bino i moru me Sion kede i bomba ka Rubanga kakuo, Yerusalem kame tie i malo, kede but imalaikan kame tot tot kalikame marere, kame ocokere kede kilel.

Gianyuta 14:1

Di ango ako neno Katin Romo di etie cungo i wi moru me Sion. Oudo etie karacel kede jo tutumia tol acel kede ot ongwon kiwie ongwon, jo kame kowandiko nyinge kede nying Papa mere i tur nyim gi.

Jongolkop 19:10

Do icuo nono oko dagi buto kuno; en eko yai di eko ot karacel kede dako mere, kede ngatic mere, kede pundan mege are kame kotweo gibedo i ngei gi. Esawa kame kinoko kede Yebu (manono en Yerusalem), esawa oudo okato do. Aso, ngatic oko waco ne ngadwong mere be, “Oparaunu ootunu obutunu i bomba me jo Yebu ni.”

1 Samuel 17:26

Daudi oko penyo jo kame oudo tie cungo i ngete be, “Nyo kame kobino timo ne ngat kame bino neko dano me Pilistia no, di eko kwanyo lewic ki wi jo me Isirael? Dano me Pilistia kalikame kokepo noni obedo ngai komio en ecao isirikalen ka Rubanga akuo?”

1 Samuel 17:36

Ango atieko neko inguon kede idubun; abino neko dano me Pilistia kalikame kokepo noni da kamanono, piento en etieko bedo kede acae i kom isirikalen ka Rubanga akuo.”