1 Iyutun 11:3 - Baibuli I Leb Kumam 2013

³ Aso, kop nono en oko mino joadongo me Isirael oko bino Keburon but abaka; di Abaka Daudi oko timo kede gi isikan i nyim Rwot i Keburon, di gin kiko wiro Daudi pi bedo abaka me Isirael, bala kame Rwot oudo ocikere kede kibut Samuel.

1 Iyutun 11:3 Iomraidhean Croise

2 Samuel 2:4

Di do jo me Yuda oko bino, di gin kiko wiro Daudi ki kuno pi bedo abaka me Yuda. Kakame gin kiko waco ne kede Daudi be jo me Jabes Gilead en oudo oyiko Saulo,

2 Samuel 5:3

Aso, kop nono en oko mino joadongo me Isirael oko bino Keburon but abaka; di Abaka Daudi oko timo kede gi isikan i nyim Rwot i Keburon, di gin kiko wiro Daudi pi bedo abaka me Isirael.

2 Samuel 5:5

En bin epugo Yuda i Keburon pi mwakini kanyaare kede duwete kanyape; di eko pugo Isirael lung kiton Yuda i Yerusalem pi mwakini ot adek kiwie adek.

2 Abakai 11:17

Ngasaseredoti Yekoyada omio Abaka Yowasi kede jo osikano but Rwot be gin kibino bedo jo kagenere bute, doko da eko mino abaka ki tetucel, kede jo me piny da ki tetucel, otimo isikan pi bedo jo kame genere ken gi ken gi.

2 Abakai 23:30

Jotic mege oko keto kome i cabala di kiko dwoke Yerusalem, di kiko yike i ates mere. Jo me Yuda oko kwanyo wode Yekoyasi, di kiko wire, di kiko kete ebedo abaka kame lunyo wang papa mere.

1 Iyutun 11:10

Magi en nying isirikalen ka Daudi koudo ngere twatwal. Gin karacel kede jo ace me Isirael bin kikonye eko doko abaka, bala kame Rwot oudo ocikere kede, doko da kiko mino ajakanut mere ocungo di tek.

2 Iyutun 23:3

Di do jo kocokere dedede oko timo isikan kede Yowasi, wot ka abaka i tempulo. Yekoyada owaco negi be, “Wot ka abaka ine! En poore ebed abaka, bala kame Rwot bin ocikere kede i kom awobe ka Daudi.

Jongolkop 11:11

Aso, Yeputa oko upere ot kede joadongo kowok ki Gilead nogo, di jo oko mine edoko ngapug gi kede ngatel gi. Yeputa oko waco kope mege dedede i nyim Rwot i Misipa.

1 Samuel 11:15

Aso, jo dedede oko ot Giligal di kiko moko Saulo i nyim Rwot pi bedo abaka. Gin kiko mino giayala me nywak i nyim Rwot ki kuno, di Saulo kede jo dedede me Isirael oko kilel twatwal.

1 Samuel 15:28

Samuel oko waco ne be, “I ceng atin Rwot otieko kwanyo ajakanut me Isirael kibuti, di eko mine but ngat apat kame ber kalamo in.

1 Samuel 16:1

Rwot oko waco ne Samuel be, “In iyaro parere pi Saulo pi kare arom amene? Ango atieko dage pi bedo abaka me Isirael. Ket mo me olibeti i tung diang di iko yai ot Betelem, but icuo moro anyinge Yese, pien ango atieko yero wode acel pi doko abaka.”

1 Samuel 16:3

Lwong Yese da kakame iyaro mino kiye giayala, di ango ako bino nyuto ni gikame ipoore timo; in iko bino wiro nango ngat kame ango abino nyuto ni pi doko abaka.”

1 Samuel 23:18

Di do gin jo are nogi kiko timo isikan i nyim Rwot; Daudi oko dong bedo Kores, di Jonasan oko dok paco.

1 Samuel 28:17

Rwot otieko timo ni gikame oudo emia awaco ni; pien Rwot otieko kwanyo ajakanut ki cingi, di eko mino Daudi.