1 Iyutun 11:2 - Baibuli I Leb Kumam 2013

² I kare moro cen, di pwodi Saulo en oudo obedo abaka wa, in en kame oudo ibedo telo jo me Isirael ot i yi. Rwot bin oko waco ni be, ‘In ibino bedo ngakwat me jo na me Isirael, doko in ibino pugo gi.’ ”

1 Iyutun 11:2 Iomraidhean Croise

2 Samuel 5:2

I kare moro kokato, di pwodi Saulo en oudo obedo abaka wa, in en kame oudo ibedo telo jo me Isirael ot yi. Rwot bin oko waco ni be, ‘In ibino bedo ngakwat me jo na me Isirael, doko in ibino pugo gi.’ ”

2 Samuel 7:7

I kabedere dedede kame ango abedo ot iye kede jo me Isirael, likame tie ceng moro acel kame ango atieko penyo kede jotel kame ango bin aciko pi gwoko jo na me Isirael, di apenyo gi pinyo komio gin likame kiko gero na ot me ebao me seda.’

1 Abakai 14:7

Oti iwac ne Yeroboam be Rwot Rubanga me Isirael owaco be, ‘Ango ayeri kikom jo di ako kiarao in idoko ngatel me jo na me Isirael.

1 Abakai 3:9

Pi mano, ango ngatic ni akwai imia abed kede rieko me pugo jo ni, tetekeny angei poko gikaber kede gikarac; pien ngai kame karuno pugo twon jo ni nogi?”

Sabuli 78:71

ekwanye ki kwano kede gwoko romini eko kete bedo abaka me jo mege me Isirael, pi bedo ngakwai jo mege, gin ikwae ka Yakobo.

Isaya 40:11

En ebino gwoko romini mege bala ngakwat; en ebino coko idwe me romini karacel di eko tingo gi i kore; en ebino telo toti gi kede mwolo.

Isaya 55:4

Nenunu, ango bin akete pi bedo ngatel kede ngapug me atekerin; en oudo ebedo mujura na but gi.

Yeremia 3:15

“Ango abino mino wu jotel kame cunya oyero; gin kibino telo wu kede rieko kede ngec.

Mika 5:2

Rwot waco be, “In Betelem Epurata, in en bomba acel kikom bomban atitino twatwal me Yuda, do ango abino yero ngapug me Isirael kibuti, ngapug kame diakal kame kobino nywale iye wapere paka tuno i kare kasek.”

Mika 5:4

Ka ngapug nono obino, en ebino gwoko jo mege bala kame ngakwat gwoko kede romini. En ebino pugo gi kede teko kame Rwot mie, kede angosibib ka Rwot Rubanga mere. Jo mege bino bedo kede anapakin, piento en ebino bedo dano adwong i wi lobo lung.

Wel 27:17

Dano kame bino telo jo ot i yi doko di eko telo gi edwoko gi paco, dano kame bino bedo ngatel gi tetekeny kur jo ni dok cal bala romini kame li kede ngat kame kwao gi.”

Matayo 2:6

“‘Wun jo me Betelem, i piny me Yuda, bomba wu pire dwong i dier bomban apat kame tie i piny me Yuda; pien ngatel bino wokun ki diere wu, kame bino bedo ngakwat me jo na me Isirael.’ ”

Yokana 10:4

Ka etieko woto romini mege dedede ooko, en eoto i nyim gi, di romini ko lube, pien gin kingeo dwane.

1 Samuel 16:1

Rwot oko waco ne Samuel be, “In iyaro parere pi Saulo pi kare arom amene? Ango atieko dage pi bedo abaka me Isirael. Ket mo me olibeti i tung diang di iko yai ot Betelem, but icuo moro anyinge Yese, pien ango atieko yero wode acel pi doko abaka.”

1 Samuel 16:13

Di Samuel oko kwanyo tung diang kame mo me olibeti oudo tie iye, di eko wiro Daudi i nyim imiegu mege; tipo ka Rwot kede twer mere oko donyo i kom Daudi cako ceng nono ot anyim. Samuel oko yai eoto Rama.

1 Samuel 18:13

Manono oko mino Saulo okwanye ki nyime, di eko cwane tenge telo wi isirikalen tutumia acel. Daudi oko bedo telo jo mege ot yi