1 Iyutun 11:17 - Baibuli I Leb Kumam 2013

¹⁷ Daudi oko donyo parere di ewaco be, “Okwe koto ngatamoro okelo na pii me amata ki atan atie i erute me Betelem!”

1 Iyutun 11:17 Iomraidhean Croise

Yokana 4:14

do ngat kame mato pii kame ango abino mine, likame orio bino neke; pii kame ango abino mine bino doko ne atan me pii kame mol tuno i kuo kame bedo nakanaka.”

Yokana 4:10

Yesu oko dwoko ne be, “Koto oudo ingeo giamia ka Rubanga kede ngat kame tie waco ni be, ‘Mia pi amati,’ oudo koto ipenye di en eko mini pii me kuo.”

Isaya 12:3

Bala kame pii angic kelo kede yomcuny but jo kame orio oneko, kamanono da jo ka Rubanga bedo kede kilel kame elako gi.”

Sabuli 143:6

Ango atingo cinga malo buti i ilega; cunya miti bala kame lobo kotuo mito kede pii.

Sabuli 63:1

Okwe Rubanga, in en ibedo Rubanga na, ango amoi, apari kede kuo na lung; koma lung tie pari, bala kame lobo otuo di oti mito kede pii.

1 Iyutun 11:16

I esawa nono Daudi oudo tie i wi emukura kakame tuno iye tek; kede da ekodet me jo Pilistia mogo oudo tie Betelem.

1 Iyutun 11:18

Di jo adek nogo oko mwomere donyo ki kimere me jo Pilistia, di kiko twomo pii ki atan kame oudo tie i erute me Betelem di kiko tero ne Daudi. Do Daudi likame oko mato pii nono, do en eko onye piny bala giamia but Rwot,

Sabuli 60:9

Okwe Rubanga, ngai kame bino tera i bomba kame kocelo kede apama atek? Ngai kame bino tela tera Edom?