1 Iyutun 11:16 - Baibuli I Leb Kumam 2013

¹⁶ I esawa nono Daudi oudo tie i wi emukura kakame tuno iye tek; kede da ekodet me jo Pilistia mogo oudo tie Betelem.

1 Iyutun 11:16 Iomraidhean Croise

2 Samuel 5:17

Kakame jo Pilistia oko winyo kede be oudo kowiro Daudi pi bedo abaka me Isirael, isirikalen me Pilistia dedede oko ot mono Daudi pi make; do Daudi oko winyo di en eko ot kakame oudo kocelo di tek.

1 Iyutun 11:17

Daudi oko donyo parere di ewaco be, “Okwe koto ngatamoro okelo na pii me amata ki atan atie i erute me Betelem!”

Sabuli 142:1

Ango akok but Rwot kede dwan amalo; acwao kwac na but Rwot kede dwan amalo.

1 Samuel 10:5

Ingei manono in iko bino ot i Moru ka Rubanga kame tie Gibea, kakame isirikalen me Pilistia ogero iye kimere gi. Di do ka itie donyo i bomba, ibino riamo kede ekodet me inabin di kitie lor wok ki abila kame tie i wi moru, di kotie gono adungu, ayekeyeke, arigirigi kede di kokuto bilo i nyim gi; ibino riamo kede gi di kitapaun yamo kop ka Rubanga kede twon yomcuny.

1 Samuel 13:23

Ekodet me isirikalen me Pilistia oko ot paka i aditot kakame yongayo beo iye i Mikimas.

1 Samuel 13:4

Jo dedede me Isirael oko winyo be Saulo oneko ngadwong me isirikalen me Pilistia, kede da be jo me Isirael otieko doko bala gi angwece mere rac but jo me Pilistia. Jo oko yei lwongo me ot konyo Saulo i Giligal.

1 Samuel 22:1

Daudi oko yai ki bomba me Gat, di eko lwi ot bedo i abo kiyapiyapi kede bomba katitidi kame kolwongo be Adulam. Kakame imiegu mege kede jo me ot ka papa mere dedede oko winyo kede be en oudo etie kunono, gin kiko ot bute.

1 Samuel 22:4

Aso, en eko weko jonywal mege but abaka me Moab, di gin kiko bedo kede pi kare lung kame Daudi oudo bedo kede i kapwono mere.

1 Samuel 22:5

Di do Enabi Gad oko bino but Daudi di eko waco ne be, “Kur idong bedo kan; yai iko ot i lobo me Yuda.” Aso, Daudi oko yai di eko ot i abum me Keret.

1 Samuel 23:25

Saulo kede jo mege oko ot mone. Kakame oko waco ne kede Daudi, en eko ot i lela kame bin tie i wi tim me Maon di eko donyo bedo iye. Kakame Saulo oko winyo kede be Daudi oudo tie kunono, en eko wape i wi tim me Maon kunono.