1 Iyutun 11:10 - Baibuli I Leb Kumam 2013

¹⁰ Magi en nying isirikalen ka Daudi koudo ngere twatwal. Gin karacel kede jo ace me Isirael bin kikonye eko doko abaka, bala kame Rwot oudo ocikere kede, doko da kiko mino ajakanut mere ocungo di tek.

1 Iyutun 11:10 Iomraidhean Croise

2 Samuel 3:21

Abuneri oko waco ne Daudi be, “Wek ango kong aoti di ako loko tam me jo dedede me Isirael buti, in adwong na me awora, tetekeny gin kitim isikan kedi, di in iko bino bedo abaka me lobo noni lung bala kame cunyi mito.” Aso, Daudi oko peruno Abuneri di Abuneri oko ot kede mulem.

1 Iyutun 11:3

Aso, kop nono en oko mino joadongo me Isirael oko bino Keburon but abaka; di Abaka Daudi oko timo kede gi isikan i nyim Rwot i Keburon, di gin kiko wiro Daudi pi bedo abaka me Isirael, bala kame Rwot oudo ocikere kede kibut Samuel.

1 Iyutun 12:21

Gin bin kiko konyo Daudi yi kede joyak, pien gin dedede oudo kibedo jo atek i yi, kede kibedo da jotel me isirikalen.

1 Iyutun 12:23

Magi en wel me isirikalen i ikodeta gi, kame bin omako jamini me yi di gin kiko ot donyo but Daudi i Keburon pi konye loko apugan ka Saulo i cinge, di lubere kede kop kame Rubanga owaco: Ekeko ka Yuda: isirikalen tutumia kanyape kede tol kanyauni (6,800), jo kame omako ibukui kede tongini; Ekeko ka Simeon: isirikalen tutumia kanyaare kede tol acel (7,100), gin jo yi atek; Ekeko ka Lebi: isirikalen tutumia ongwon kede tol kanyape (4,600); Jo kame bin lubo Yekoyada ngatel me ot ka Aaron: isirikalen tutumia adek kede tol kanyaare (3,700) Joawade ka Sadoki, ngayi atek kame pwodi dongo adonga: jodongo ot are kiwie are me isirikalen; Ekeko ka Benjamin (ekeko kame Saulo wok kiye): isirikalen tutumia adek (3,000), jo atot kikom jo me ekeko noni oudo oko dong bedo jo kame genere but Saulo; Ekeko ka Epuraimu: isirikalen tutumia ot are kede tol kanyauni (20,800), jo kame oudo tek i yi, doko nying gi oudo iruo twatwal i ekeko noni; Dul me ekeko ka Manase kame bin oko dong i bad tetu tim: isirikalen tutumia tomon kiwie kanyauni (18,000), gin cuo kame koyero pi ot keto Daudi bedo Abaka; Ekeko ka Isakar: jodongo me isirikalen tol are (200), karacel kede isirikalen kame gin oudo kitelo (jodongo nogi bin ngeo gikame jo Isirael poore timo kede kare aber me time); Ekeko ka Sebulun: isirikalen tutumia ot kany (50,000), isirikalen kame cuny gi nwang i yi, di kimako jamini me yi me epone dedede, di kimoko tam acel me konyo Daudi; Ekeko ka Naputali: jodongo me isirikalen tutumia acel (1,000), karacel kede isirikalen tutumia ot adek kiwie kanyaare (37,000) kame gin oudo kitelo, cuo kame oudo mako ibukui kede tongini; Ekeko ka Dan: isirikalen tutumia ot are kiwie kanyauni kede tol kanyape (28,600), koikere pi yi; Ekeko ka Aser: isirikalen tutumia ot ongwon (40,000), kopwonyere kiber doko kiikere pi yi; Jo me ekeko ka Ruben kede me ka Gad, kede dul me ekeko ka Manase kame bin oko wok i loka tetu kide me Yorodan oudo tie isirikalen tutumia tol acel kede ot are (120,000), cuo kame oudo mako jamini me yi me epone dedede.

1 Iyutun 12:38

Isirikalen nogi dedede, cuo kame oudo oikere pi yi, bin oko ot Keburon kede tam acel me cibo Daudi bedo abaka me Isirael lung. Jo icegun dedede me Isirael da oudo otieko moko tam acel nono.

1 Iyutun 12:39

Gin bin kiko bedo kunono kede Daudi pi ceng adek di kicamo kede kimato gikame jo Isirael wad gi oudo oiko negi.

1 Iyutun 27:1

Buli duwe acelacel ekodet me jo tutumia ot are kiwie ongwon (24,000) oudo bedo i wang tic bala Isirikalen me Isirael. Jo nogi oudo ribo jotel me diakale, jotel me isirikalen kede jotic ka abaka.

1 Iyutun 28:1

Daudi bin oko mino cik but jotic dedede me Isirael pi gin cokere Yerusalem. Aso, jotic me ikekon dedede, jodongo me ikodeta dedede kame bin timo tic ka abaka, jotel me isirikalen tutumia tutumia, jotel me isirikalen toli toli, jogwok jamini kede doke ka abaka kede awobe mege, karacel kede jotic me paco ka abaka, jo yi atek mege, kede jo yi dedede, oko cokere Yerusalem.

1 Samuel 16:1

Rwot oko waco ne Samuel be, “In iyaro parere pi Saulo pi kare arom amene? Ango atieko dage pi bedo abaka me Isirael. Ket mo me olibeti i tung diang di iko yai ot Betelem, but icuo moro anyinge Yese, pien ango atieko yero wode acel pi doko abaka.”