1 Iyutun 10:4 - Baibuli I Leb Kumam 2013

⁴ Di do Saulo oko waco ne awobi kame bin mako ne jamini me yi be, “Wot epima ni di iko coba kede pelepel, tetekeny jo kalikame kokepo nogi kur bin di kiko mina adok gi me tuko gi, di kiko neka.” Do awobi nono lworo oudo omako, omio likame eko yei. Aso, Saulo di oko kwanyo epima mere en won kikome di eko poto iye.

1 Iyutun 10:4 Iomraidhean Croise

2 Samuel 1:20

Miero kur itatamo kop noni i Gat, arabo i gudi me bomba me Asikelon. Aso, ka likame kamano, anyira me jo Pilistia bino kilel, anyira me jo kalikame kokepo bino bedo kede yomcuny.

2 Samuel 1:6

Awobi nono oko waco ne be, “Ango oudo atie i wi moru me Gilboa, ako neno Saulo di egongere i kom tong mere, di cabalan kede jo aringo kede gi oudo tie noke.

2 Samuel 17:23

Kakame Akitopel oneno kede be likame kolubo tam kame en emio, en eko tweno gi me bedo ingei punda mere di eko yito iye edok ture i bomba me turgi. En eko mino kope amako epone kame ode poore dong kede di eko dere. Bin oko yike i ates ka papa mere.

1 Abakai 16:18

Kakame Simiri oneno kede be oudo kotieko mano bomba, en eko ot i apama atek me yie kame celo paco me abaka di eko cwinyo paco me abaka karacel kede eda, di eko to.

1 Iyutun 10:3

Yi bin oko bedo pek i kakame Saulo oudo tie iye; jo ayi kede emal bin oko ude, di kiko mine awanon arac twatwal.

1 Iyutun 10:5

Kakame awobi nono oko neno kede be Saulo oudo oto, eda eko poto i epima mere di eko to karacel kede Saulo.

Tice 1:18

(Icuo ni oko wilo poto kede sente kame bin kocule kede pi tim mere arac nono; en eko poto adule, di eko mwoc i diere, di jamini me yie oko bwote ooko dedede.

Tice 16:27

Kakame ngadar mabus ocei kede di eko neno be ikekon dedede me otkol oyabere, en eko woto epima mere be koto ecobere kede kene me wek etoi, pien oudo eparo be mabus otieko lwi.

Jongolkop 15:18

Di do orio oko neko Samuson adikinicel, di eko lwongo Rwot di ewaco be, “Itieko mina abwono yi bwon kalikame wacere; do nan benyo, mam atoi orio di ako poto i cing jo me Pilistia, jo kalikame kokepo?”

Jongolkop 16:21

Aso, jo me Pilistia oko make di kiko golo wange. Gin kiko tere Gasa di kiko twene kede eriko kame kotimo kede nyonyo buronsi, di oko mine edonyo timo tic me riego i otkol.

Jongolkop 9:54

Abimelek oyotoyot bin oko lwongo eponga kame oudo mako jamini mege me yi di eko mine cik be, “Wot epima ni di iko coba ineka, tetekeny kur jo yam i koma be, ‘Kom dako adaka en koneke.’ ” Aso, eponga nono bin oko cobe pelepel, di eko to.

1 Samuel 14:6

Jonasan oko waco ne awobi kame oudo mako jame mege me yi be, “Bia ongol loka ooti i kimere me jo kalikame kokepo ka; cengemogo Rwot bino konyo wa. Pien likame tie gikame twero gengo Rwot kelo alako di etio kede jo atot amoto kede jo anonok.”

1 Samuel 17:26

Daudi oko penyo jo kame oudo tie cungo i ngete be, “Nyo kame kobino timo ne ngat kame bino neko dano me Pilistia no, di eko kwanyo lewic ki wi jo me Isirael? Dano me Pilistia kalikame kokepo noni obedo ngai komio en ecao isirikalen ka Rubanga akuo?”

1 Samuel 17:36

Ango atieko neko inguon kede idubun; abino neko dano me Pilistia kalikame kokepo noni da kamanono, piento en etieko bedo kede acae i kom isirikalen ka Rubanga akuo.”

1 Samuel 31:4

Di do Saulo oko waco ne awobi kame bin mako ne jamini me yi be, “Wot epima ni di iko coba kede pelepel, tetekeny jo kalikame kokepo nogi kur bin di kiko mina adok gi me tuko gi, di kiko neka.” Do awobi nono oudo lworo omako, omio likame eko yei. Aso, Saulo di oko kwanyo epima mere en won kikome di eko poto iye.