1 Iyutun 10:13 - Baibuli I Leb Kumam 2013

¹³ Aso, Saulo bin oto pien likame oudo ebedo dano agenere but Rwot; en bin edagi lubo cik ka Rwot, doko da en eko lokere penyo tipere pi mine tam

1 Iyutun 10:13 Iomraidhean Croise

2 Abakai 21:6

En bin emio wode bala giayala awanga; etimo da tic me tiet kede lamo gagi, oudo etio kede imuroko kame penyo tipere kede etio da kede jojwogi. En ebedo timo gikareco atot atota i nyim Rwot, di eko wango cuny Rwot.

Sabuli 25:3

Kur imi lewic mak jo kame geni, Okwe Rwot; do mi lewic mak jo kame jemo ni nono nono.

Sabuli 73:27

Ateteni jo kame bor kedi bino to; in ibino jiko kuo me jo kalikame tie kede ateni buti.

Yai 22:18

“Miero nek dako kame ngajwok.

Agole 2:22

do kobino kwanyo tenge jo areco ki lobo noni, di oko puputo jodubo kiye bala doi.

Isaya 19:3

Ango abino totolo iik kame jo me Misiri tie kede di cuny gi ko kwanyere. Gin kibino pepenyo tam kibut caljwogi, kede kibut tipere me jo oto, kede kibut imuroko atio kede yamere.

Isaya 8:19

Do jo bino waco ne wu be, “Penyunu kope kibut jwogi kede tipere adwilao kede agato; mam ateker moroni poore penyo kop kibut rubangan gi kede kibut jo oto, pi jo akuo,

Jolebi 19:31

“Kur ilokerenu ot mono tam kibut imuroko lango arabo jojwogi, pien gin kibino munao wu. Ango en Rwot Rubanga wu.

Jolebi 20:6

“Ka ngatamoro oko lokere ot penyo tam kibut imuroko lango kede jojwogi, di eko weka, ango abino lokere dage di ako riame kibut jo na.

1 Samuel 15:11

“Likame cunya yom pi mino Saulo doko abaka, piento en etieko lokere tenge kibuta di eko weko lubo cik na.” Cuny Samuel oko wang di eko donyo koko but Rwot iwor kiakia.

1 Samuel 15:2

Rwot me jo yi waco be, ‘Abino mino jo Amalek alola pi gikame kitimo, pien joakwari gi bin osurere kede jo me Isirael i kare kame kiwok kede ki Misiri.

1 Samuel 15:23

Pien jemo ne Rwot rac rom aroma bala tim me jwok, doko da tim me epali rac rom aroma bala woro caljwogi. Pi kite kame in itieko dagi kede kop ka Rwot, eda etieko dagi pi bedo abaka.”

1 Samuel 28:6

Saulo oko penyo Rwot gi me atima, do Rwot likame oko dwoko ne kop moro, akadi i lek arabo Urim amoto kibut inabin.