Ruth 1:2 - Yn Vible Casherick 1775 1819

² As va ennym yn dooinney Elimelech, as ennym yn ven Naomi, as ennym e ghaa vac Mahlon as Chilion, Ephrathiteyn jeh Beth-lehem-judah: as haink ad gys cheer Voab, as duirree ad ayns shen.

Ruth 1:2 Iomraidhean Croise

Genesis 35:19

As hooar Rachel baase, as v’ee oanluckit ayns y raad gys Ephrath, ta shen Beth-lehem.

Micah 5:2

Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.

1 Samuel 17:21

Son va Israel as ny Philistinee tayrn dy cheilley ayns order-caggee, armee noi armee.

1 Samuel 1:1

Nish va dooinney dy row jeh Ramathaim-zophim, jeh slieau Ephraim, as va’n ennym echey Elkanah, mac Jehoram, mac Elihu, mac Tohu, mac Zuph, ny Ephrathite:

Briwnyn 3:30

Myr shen va Moab er ny choyrt fo-chosh er y laa shen liorish laue Israel. As va shee ec y cheer kiare-feed bleïn.

Briwnyn 17:7

As va dooinney aeg dy row veih Beth-lehem-judah, jeh sluight Yudah, va ny Levite, as v’eh er e yoarreeaght ayns shen.

Ruth 1:3

As hooar Elimelech dooinney Naomi baase; as v’ee faagit lesh e daa mac.

Ruth 1:5

As hooar Mahlon as Chilion nyn-neesht baase, as va’n ven faagit gyn sheshey as gyn cloan.

Ruth 2:1

As va ec Naomi dooinney-mooinjerey da’n sheshey eck, ny ghooinney feer verchagh, jeh kynney Elimelech; as va’n ennym echey Boaz.

Ruth 4:9

As dooyrt Boaz rish y chanstyr, as rish ooilley’n pobble, Ta shiuish nyn veanishyn er y laa shoh, dy vel mish er chionnaghey ooilley ny va lesh Elimelech, as ooilley ny va lesh Chilion as Mahlon, veih laue Naomi.

1 Samuel 17:12

Nish va David mac yn Ephraimite shen jeh Beth-lehem-Judah, va’n ennym echey Jesse; as va hoght mec echey: as v’eh goit son shenn ghooinney ayns laghyn Saul.