Psalmyn 81:3 - Yn Vible Casherick 1775 1819

³ Sheid-jee yn cayrn dy ard ec yn eayst-noa: dy jarroo ec y traa ta pointit, as er y laa-feailley casherick ain.

Lioar ny Psalmyn 1765 (Pointed)

³ Sheid-jee yn cayrn dy-ard ec yn eayst noa: dy-jarroo ec y traa ta pointit, as er y laa-feailley casherick ain.

Psalmyn 81:3 Iomraidhean Croise

2 Recortyssyn 2:4

Cur-my-ner, ta mee troggal thie gys ennym y Chiarn my Yee, dy chasherickey eh huggeysyn, as dy lostey kiongoyrt rish oural-millish, as son yn arran casherick dy ve soit magh dy kinjagh, as son ny chebballyn-losht moghrey as fastyr, er ny dooneeyn, as er ny eaystyn-noa, as er feaillaghyn casherick y Chiarn nyn Yee. Ta shoh ny oardagh kinjagh da Israel.

Earrooyn 15:3

As dy jean shiu oural lesh aile gys y Chiarn, chebbal-losht ny oural, ayns cooilleeney breearrey, ny ayns oural dy aigney-arryltagh, ny ayns nyn feaillaghyn casherick, son oural-millish roish y Chiarn, jeh’n chelloo ny jeh’n chioltane:

2 Recortyssyn 13:14

As tra yeeagh Judah nyn yeï, cur-my-ner, va’n caggey rhymboo as er nyn gooyl: as deïe ad gys y Chiarn, as ren ny saggyrtyn ny trumpetyn y helm.

2 Recortyssyn 13:12

As cur-my-ner, ta Jee hene mârin son nyn leeideilagh, as e haggyrtyn lesh trumpetyn feiyral, dy hroggal larm nyn ’oï eu: O chloan Israel, ny jean-jee caggey noi’n Chiarn Jee nyn ayraghyn, son cha jig eh lhieu.

2 Recortyssyn 5:12

Myrgeddin, ny Leviteyn, ny kiaulleyderyn, va fo Asaph, fo Heman, as Jeduthun, marish nyn mec, as nyn mraaraghyn, coamrit ayns aanrit gial lesh nyn cymballyn, as psaltereeyn, as claasaghyn, hass ad ec kione har yn altar, as mâroo shey-feed saggyrt, sheidey lesh trumpetyn).

1 Recortyssyn 16:42

As mâroosyn Heman as Jeduthun lesh trumpetyn as cymballyn son ard-vingys, as lesh greinyn-kiaullee elley dy choyrt moylley da Jee. As va mec Jeduthun ny porteryn.

1 Recortyssyn 16:6

Benaiah myrgeddin as Jahaziel ny saggyrtyn lesh trumpetyn dy kinjagh kiongoyrt rish arg conaant Yee.

1 Recortyssyn 15:24

As liorish Shebaniah, as Jehoshaphat, as Nethaneel, as Amasai, as Zechariah, as Benaiah, as Eliezer ny saggyrtyn va ny trumpetyn er ny hellym roish arg Yee: as Obed-edom as Jehiah va geiyrt er yn arg.

2 Reeaghyn 4:23

As dooyrt eh, Cre’n-oyr t’ayd er gholl huggey jiu? cha nee eayst-noa t’ayn, ny doonaght. As dooyrt ee, Bee ooilley dy mie.

Deuteronomy 16:15

Rish shiaght laa nee oo freayll feailley casherick gys y Chiarn dty Yee, ’syn ynnyd nee’n Chiarn y reih; er-yn-oyr dy jean y Chiarn dty Yee uss y vannaghey ayns ooilley dty vishaghey, as ayns ooilley obbraghyn dty laueyn, shen-y-fa nee oo dy jarroo goaill boggey.

Earrooyn 28:11

As ayns toshiaght dagh mee, nee shiu chebbal oural-losht gys y Chiarn: daa ghow aeg, as un rea, shiaght eayin jeh’n vleïn shen gyn lheamys.

Colossianee 2:16

Ny lhig da dooinney erbee er-y-fa shen shiuish y vriwnys mychione bee ny jough, ny mychione laa feailley, ny mychione eayst-noa, ny mychione dooneeyn:

Nahum 1:15

Cur-my-ner er ny sleityn ny cassyn echeysyn ta coyrt lesh naightyn mie, ta fockley-magh shee: O Yudah, freill dty eaillaghyn casherick, cooilleen dty vreearraghyn: son cha jed y tranlaasagh dty hrooid arragh, t’eh dy bollagh giarit jeh.

Dobberan 2:6

As t’eh dy bollagh er astyrt e chabbane-agglish myr (bwaag) ass garey, t’eh er stroie ynnydyn e haglym cooidjagh: ta’n Chiarn er chur er ny feaillaghyn as ny dooneeyn dy v’er ny yarrood ayns Zion, as ayns mooadys e yymmoose t’eh er hoiaghey beg jeh’n ree as y taggyrtys.

Psalmyn 98:6

Moylley-jee yn Chiarn er y chlaasagh: gow-jee arrane marish y chlaasagh lesh psalm dy hoyrt-booise.

2 Recortyssyn 8:13

Eer chebbal wheesh shen dagh laa, cordail rish sarey Voses, er ny dooneeyn, as er ny eaystyn-noa, as er ny ard feaillaghyn, three keayrtyn ’sy vleïn, eer er feailley ny caisht, as er feailley ny shiaghtinyn, as er feailley ny cabbaneyn.

1 Recortyssyn 15:16

As loayr David rish leeideilee ny Leviteyn, dy phointeil nyn mraaraghyn dy yannoo bingys lesh greinyn-kiaullee, psaltereeyn, as claasaghyn, as cymballyn feiyral, as lesh ard-voggey troggal seose nyn goraa.

1 Recortyssyn 15:19

Myrgeddin va ny arranee, Heman, Asaph, as Ethan, pointit dy yannoo kiaulleeaght lesh cymballyn prashey.

1 Recortyssyn 25:1

Marish shoh, ren David as ard-gheiney ny saggyrtyn soiaghey er-lheh gys shirveish mec Asaph, as Heman, as Jeduthun, adsyn va dy ghoaill arraneyn casherick er claasaghyn, er psaltereeyn, as er cymballyn, as earroo ny deiney ayns y chirveish shoh, va,

Psalmyn 33:2

Moylley-jee yn Chiarn lesh y chlaasagh: gow-jee arraneyn-moyllee da lesh y lute, as y ghreïe-chiaull dy yeih strengyn.

Psalmyn 149:3

Lhig daue moylley yn Ennym echey ayns y daunsin: lhig daue arraneyn-moyllee ’ghoaill huggey lesh tabret as y chlaasagh;