Psalmyn 8:3 - Yn Vible Casherick 1775 1819

³ Son goym tastey jeh dty niaughyn, eer obbraghyn dty veïr: yn eayst as ny rollageyn t’ou er n’oardaghey.

Psalmyn Ghavid 1761 (Metrical)

³ Obbyr dty laue tra hee’m ’syn aer, Ta staaynit lesh dty phooar; Yn ghrian, yn eayst, rollageyn neesht Scart trooid yn ’eaynagh vooar.

Lioar ny Psalmyn 1765 (Pointed)

³ Son goym tastey jeh dty niaughyn, eer obbraghyn dty veïr: yn eayst as ny rollaagyn t’ow er n’oardaghey.

Psalmyn 8:3 Iomraidhean Croise

Genesis 1:1

Ayns y toshiaght chroo Jee niau as thalloo.

Psalmyn 33:6

Liorish goo yn Chiarn va ny niaughyn er nyn groo: as ooilley ny pooaraghyn oc liorish ennal e veeal.

Psalmyn 111:2

Ta obbraghyn y Chiarn mooar: er nyn gheddyn magh lioroosyn ooilley ta goaill taitnys ayndoo.

Psalmyn 104:19

Ren eh yn eayst y phointeil son imbaghyn shickyr: as shione da’n ghrian yn traa dy lhie.

Psalmyn 89:11

T’ou er choyrt Egypt fo-chosh, as er stroie eh: t’ou er skeayley dty noidyn dy lhean lesh dty roih niartal.

Romanee 1:20

Son shen jehsyn nagh vel ry-akin, ta shen, e phooar dy bragh beayn as e ghooghys flaunyssagh, veih croo’n theihll, t’ad dy baghtal cronnit, er ny hoiggal liorish ny reddyn ta jeant; myr shen dy vel ad gyn leshtal:

Noo Luke 11:20

Agh my ta mish liorish mair Yee tilgey magh drogh-spyrrydyn, fegooish dooyt ta reeriaght Yee er jeet erriuish.

Exodus 8:19

Eisht dooyrt ny fir-obbee rish Pharaoh, mair Yee shoh: agh va cree Pharaoh er ny chreoghey, as cha dug eh clashtyn daue myr va’n Chiarn er ghra.

Lioar Yob 22:12

Nagh vel Jee ayns yrjid niau? as cur-my-ner yrjid ny rollageyn, cre cha ard as t’ad!

Deuteronomy 4:19

As er-aggle dy drog oo dty hooillyn lesh yn aer, as tra hee oo yn ghrian, yn eayst, as ny rollageyn, dy jarroo slane sheshaght yn aer, dy bee oo cleaynit dy choyrt ooashley daue, as dy hirveish ad shen, ta’n Chiarn dty Yee er rheynn er dy chooilley ashoon fo niau.

Exodus 31:18

As hug eh da Moses, erreish da v’er loayrt rish, er slieau Sinai, daa voayrd y leigh, buird chloaie, scruit lesh mair Yee.

Psalmyn 148:3

Moylley-jee eh, ghrian as eayst: moylley-jee eh, ooilley shiuish rollageyn as soilshey.

Psalmyn 19:1

Ta ny niaughyn fockley magh gloyr Yee: as ta’n aer soilshaghey obbyr e laueyn.

Lioar Yob 25:5

Cur-jee my-ner eer yn eayst hene, as cha vel ee soilshean; dy feer, cha vel ny rollageyn gyn cron ayns e hilley:

Lioar Yob 25:3

Vod ny sheshaghtyn-caggee echey ve er nyn earroo? as quoi er nagh vel e hoilshey girree?

Lioar Yob 36:24

Cooinee dy der oo ard-voylley da son e obbraghyn, ta deiney cur-my-ner.