Psalmyn 4:3 - Yn Vible Casherick 1775 1819

³ Toig-jee shoh neesht, dy vel y Chiarn er reih da hene yn dooinney ta crauee: tra nee’m geamagh er y Chiarn, nee eh clashtyn rhym.

Psalmyn Ghavid 1761 (Metrical)

³ Toig-jee dy vel yn dooinney mie Goit stiagh myr reih ec Jee; T’eh geaishtagh rish my phadjeryn Tra ta mee huggey guee.

Lioar ny Psalmyn 1765 (Pointed)

³ Toigg-jee shoh neesht, dy vel y Chiarn er reih da hene yn dooinney ta crauee: tra nee’m geamagh er y Chiarn, nee eh clashtyn rhym.

Psalmyn 4:3 Iomraidhean Croise

Noo Ean 15:16

Cha vel shiuish er my reih, agh ta mish er reih shiuish, as er chur shiu ayns pooar, dy vod shiu goll magh as mess y ymmyrkey, as dy vod y mess eu ve beayn: cre-erbee nee shiu y hirrey er yn Ayr ayns yn ennym aym’s, dy vod eh y chur diu eh.

Psalmyn 34:15

Ta sooillyn y Chiarn harrish y sleih cairal: as ta ny cleayshyn echey foshlit gys nyn badjeryn.

2 Peddyr 2:9

Ec y Chiarn ta fys kys dy livrey yn sleih crauee ass seaghyn, as dy reayll ny mee-chrauee gys laa ny briwnys dy ve er nyn gerraghey:

2 Timothy 2:19

Ny-yeih, ta undin Yee shassoo shickyr, sealit lesh y cowrey shoh, Shione da’n Chiarn e vooinjer hene. As, Lhig da dy chooilley unnane ta genmys ennym Chreest chea veih mee-chraueeaght.

Titus 2:14

Hug eh-hene er nyn son, dy voddagh eh shin y eaysley veih dy chooilley vee-chraueeaght, as casherickey da hene pobble reiht, jeean ayns obbraghyn mie.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

Exodus 33:16

Son cre liorish vees eh er ny hoilshaghey ayns shoh dy vel mish as dty phobble er gheddyn foayr ayns dty hilley’s? Nagh nee liorish dy vel oo goll mârin? Myr shoh bee mayd orrin hene, mish as dty phobble, er nyn scarrey voish dy chooilley phobble t’er eaghtyr y thallooin.

Psalmyn 6:8

Ersooyl voym shiuish ooilley ta gobbraghey molteyrys: son ta’n Chiarn er chlashtyn coraa my ghobberan.

Ephesianee 2:10

Son ta shin yn obbyr echeysyn, er nyn groo ayns Creest Yeesey gys obbraghyn mie, ta Jee er n’oardaghey ro-laue dy jinnagh shin gimmeeaght ayndoo.

Psalmyn 50:5

Chaggle-jee my nooghyn cooidjagh hym’s: ad shen ta er n’yannoo conaant rhym lesh oural;

Psalmyn 31:23

Dy row booise gys y Chiarn: son t’eh er yeeaghyn dooys kenjallys yindyssagh ayns ard-valley lajer.

Psalmyn 56:9

Cre-erbee yn traa ta mee geamagh ort, eisht bee my noidyn eebrit ersooyl: shoh ta fys aym er; son ta Jee er my heu.

Psalmyn 49:3

Loayree my veeal jeh creenaght: as nee my chree smooinaghtyn er tushtey.

Psalmyn 62:10

O ny treisht-jee ayns aggair as roosteyrys; ny cur-jee shiu hene seose gys molteyrys: my ta berchys bishaghey, ny soie-jee nyn gree orroo.