Psalmyn 101:3 - Yn Vible Casherick 1775 1819

³ Tra nee oo my niartaghey: nee’m gimmeeaght ayns my hie lesh cree ynrick.

Lioar ny Psalmyn 1765 (Pointed)

³ Tra hig oo hym: nee’m gimmeeaght ayns my hie lesh cree ynrick.

Psalmyn 101:3 Iomraidhean Croise

Psalmyn 119:37

O chyndaa ersooyl my hooillyn, nagh der ad geill da fardail: as jean mish y vioghey ayns dty raad.

Lioar Yob 31:1

Ren mee conaant rish my hooillyn; cre’n-fa eisht smooinin er moidyn?

Raaghyn Creeney 6:25

Ny lhig da dty chree ve soit er yn aalid eck, as ny lhig j’ee oo y chleayney lesh ferrooghyn e sooill.

Noo Mian 5:28

Agh ta mish gra riu, Quoi-erbee ta jeeaghyn er ben, dy chur saynt j’ee, dy vel eh er vrishey poosey r’ee hannah ayns e chree.

Psalmyn 40:4

Nee ymmodee fakin shoh, as aggle y ghoaill: as ver ad nyn dreishteil ayns y Chiarn.

Exodus 20:17

Cha der oo saynt da thie dty naboo, cha der oo saynt da ben dty naboo, ny da e harvaant, ny da e inney-veyl, ny da e ghow, ny da e assyl, ny da nhee erbee ta lesh dty naboo.

Deuteronomy 15:9

Jeeagh nagh bee drogh smooinaght ayns dty chree, gra, Ta’n chiaghtoo vleïn, bleïn yn eaysley er-gerrey: as dy bee dty hooill neu-erreeishagh noi dty vraar boght, as nagh der oo veg da, as dy jean eh geam gys y Chiarn dt’oï, as dy bee shoh son peccah dhyt:

2 Peddyr 2:21

Son ny bare veagh eh daue gyn tushtey er ve oc jeh raad yn ynrickys, na lurg daue v’er doiggal eh, dy hyndaa veih yn anney casherick hie er livrey daue.

Galatianee 4:9

Agh nish erreish da enney ve eu er Jee, er-nonney lurg da enney ve ec Jee erriuish, kys te dy vel shiu chyndaa gys ny cliaghtaghyn faase as fardalagh, foue shen ta shiu geearree dy ve reesht ayns bondiaght?

Romanee 12:9

Lhig da graih ve fegooish foalsaght. Cur-jee dwoaie da shen ta olk, lhian-jee gys shen ta mie.

Jeremiah 22:17

Agh cha vel dty hooillyn’s as dty chree’s agh ooilley son saynt, as son deayrtey fuill gyn-loght, as son dewilys, as son tranlaase, dy yannoo eh.

Ecclesiastes 6:9

Ny share ta shen ta roish dty hooillyn, na shaghrynys yn yeearree: ta shoh myrgeddin fardail, as seaghney cree.

Joshua 23:6

Bee-jee shiuish er-y-fa shen feer dunnal, dy reayll as dy chooilleeney ooilley ny ta scruit ayns lioar leigh Voses, nagh jyndaa shiu dy lhiattee veih gys y laue yesh ny gys y laue hoshtal;

Hebrewnee 10:39

Agh cha vel shin jeh nyn lheid ta tayrn back gys y toyrt-mow oc hene; agh jeusyn ta credjal, gys saualtys anmey.

Psalmyn 119:113

Ta dwoaie aym orroosyn ta smooinaghtyn er yn olk: agh shynney lhiam dty leigh.

Psalmyn 78:41

Shimmey keayrt ren ad eh y vrasnaghey ’syn aasagh: as eh y heaghney ’sy chaitnys ghennish.

Psalmyn 14:3

Yeeagh y Chiarn neose veih niau er cloan gheiney: dy akin row veg jeu yinnagh toiggal, as shirrey lurg Jee.

Exodus 32:8

T’ad er hyndaa dy leah jeh’n raad doardee mish daue; t’ad er n’yannoo daue hene lheiy grainnit, as er chur ooashley da, as er hebbal oural huggey, as er ghra, Ad shoh ny jeeghyn ayd’s, O Israel, hug lhieu uss seose ass cheer Egypt.

Micah 2:2

As t’ad coyrt saynt da magheryn, as goaill ad er niart; as da thieyn, as goaill daue hene ad: myr shen t’ad roostey dooinney as e hie, dy jarroo dooinney as e eiraght.

Isaiah 33:15

Eshyn ta gimmeeaght ayns ynrickys, as loayrt yn irriney; eshyn ta dwoaie echey er cosney tranlaasagh, ta craa e laueyn veih goaill leagh briwnys, ta dooney e chleayshyn veih clashtyn fuill, as jeigh e hooillyn veih fakin olk;

Isaiah 30:11

Cosne-jee ass y raad, chyndaa-jee dy lhiattee jeh’n chassan, lhig da Jee casherick Israel scughey veih ny mast’ ain.

Psalmyn 39:1

Dooyrt mee, Goym tastey jeh my raaidyn: nagh jean-ym peccah lesh my hengey.

Psalmyn 125:5

Er son nyn lheid as ta chyndaa reesht gys yn olkys oc hene: leeidee yn Chiarn ad magh marish ny drogh-yantee; agh bee shee er Israel.

Psalmyn 97:10

O shiuish ta graihagh er y Chiarn, jeeagh-jee dy der shiu dwoaie da’n olk: ta’n Chiarn coadey anmeenyn e nooghyn; nee eh ad y livrey veih laue ny mee-chrauee.

Psalmyn 78:57

Myr shen vrasnee ad as hug ad jymmoose er y Jee smoo ard: as cha dreill ad ny recortyssyn echey;

Psalmyn 36:3

Ta goan e veeal neu-ynrick as lane dy oalsaght: t’eh er vaagail jeh dy ymmyrkey eh-hene dy creeney, as jeh jannoo dy mie.

1 Samuel 15:11

Ta mee chaghlaa my aigney noi Saul dy vel mee er hoiaghey seose eh dy ve ny ree: son t’eh er choyrt cooyl rhym, as cha vel eh er chooilleeney my harey. As va shoh trimshey mooar da Samuel; as deïe eh gys y Chiarn fud-ny-hoie.

Deuteronomy 13:17

As cha keill oo veg jeh’n red custey: dy vod y Chiarn dty Yee chyndaa veih dewilys e chorree, as soilshaghey myghin dhyt, as chymmey v’echey ort, as bishaghey oo, myr vreear eh da dty ayraghyn;

1 Ean 2:19

Hie ad magh voïn, agh cha row ad j’in: son dy beagh ad j’inyn, v’ad dyn dooyt er hannaghtyn mârin: agh hreig ad shin, dy voddagh enney v’er ny choyrt orroo, nagh row ad ooilley j’inyn.

Psalmyn 41:9

Dy jarroo, my charrey ainjyssagh hene, er hug mee my hreisht: eshyn neesht ren gee jeh m’arran, t’eh dy mooar farkiaght dy follit er my hon.

Psalmyn 139:22

Dy jarroo ta slane dwoaie aym orroo: myr dy beagh ad my eer noidyn.

Raaghyn Creeney 6:12

Ta’n drogh-yantagh, dooinney mee-chrauee, shooyl lesh beeal cluicagh.

Raaghyn Creeney 6:13

T’eh meekey lesh e hooillyn, t’eh loayrt lesh e chassyn, t’eh gynsagh lesh e veïr.

Raaghyn Creeney 8:13

Te aggle y Chiarn dy chur feoh da olk: moyrn, as mooaralys, as y drogh raad, as y beeal molteyragh, ta dwoaie aym orroo.

Zechariah 8:17

As ny lhig da veg j’iu smooinaghtyn olk ayns e chree noi e naboo, as ny cur-jee rish loo oaiagh erbee. Son t’ad ooilley shoh reddyn dwoaiagh dooys, ta’n Chiarn dy ghra.