Joshua 9:4 - Yn Vible Casherick 1775 1819

⁴ Hie ad gys obbyr dy cooishagh, as lhig ad orroo hene dy ve chaghteryn reeoil, as ghow ad shenn saick er nyn assylyn, as siyn-feeyney, shenn, raipit, as kerrit;

Joshua 9:4 Iomraidhean Croise

Noo Luke 16:8

As voyll y chiarn y stiurt neu-chairagh, er-y-fa dy row eh er n’yannoo dy creeney: son ta cloan y theihll shoh ayns nyn sheeloghe ny s’creeney na cloan y toilshey.

Noo Mark 2:22

Chamoo ta dooinney erbee cur feeyn noa ayns shenn voteilyn, er-nonney ta’n feeyn noa scoltey ny boteilyn, as ta’n feeyn deayrtit, as bee ny boteilyn dy choayl orroo: agh shegin da feeyn noa v’er ny chur ayns boteilyn noa.

Noo Mian 10:16

Cur-my-ner ta mish dy choyrt shiu magh myr kirree mastey moddee-oaldey: Bee-jee er-y-fa shen tastagh myr ard-nieughyn, as ôney myr calmaneyn.

Noo Mian 9:17

Chamoo ta sleih coyrt feeyn noa ayns shenn voteilyn: er-nonney ta ny boteilyn scoltey, as ta’n feeyn er ny gheayrtey, as ta ny boteilyn dy choayl orroo; agh t’ad cur feeyn noa ayns boteilyn noa, as t’ad ny-neesht sauchey.

Psalmyn 119:83

Son ta mee shymlit myr crackan ayns y jaagh: ny-yeih cha vel mee jarrood dty lattyssyn.

Genesis 34:13

Agh dreggyr mec Yacob Shechem, as Hamor e ayr, dy molteyragh, as dooyrt ad, (er-yn-oyr dy row eh er hayrn scammylt er Dinah nyn shuyr)

Joshua 9:3

As tra cheayll cummaltee Ghibeon jeh ny va Joshua er n’yannoo rish Jericho as rish Ai,

Joshua 9:5

As shenn vraagyn patchit er ny cassyn oc, as shenn eaddagh orroo; as va ooilley yn arran v’oc son nyn yurnah chirrym as lheeah.

Joshua 9:13

As va ny siyn-feeyney shoh noa, tra lhieen shin ad; as cur-my-ner, t’ad raipit: as t’ad shoh nyn garmadyn as nyn mraagyn er n’aase shenn kyndagh rish y jurnah mooar liauyr.

Joshua 9:12

Yn arran shoh ghow shin cheh son nyn yurnah, tra haink shin veih’n thie er y laa haink shin magh dy heet hiuish; agh nish, cur-my-ner, te chirrym, as lheeah: