Joshua 9:25 - Yn Vible Casherick 1775 1819

²⁵ As cur-my-ner nish, ta shin ayns dty laue: myr te mie as cairagh ayns dty hilley jean uss rooin.

Joshua 9:25 Iomraidhean Croise

Genesis 16:6

As dooyrt Abram rish Sarai, Cur-my-ner, ta dty inney-veyl ayns dty phooar hene, jean myr sailt r’ee. As tra hug Sarai drogh ghellal jee, chossyn ee ersooyl.

Jeremiah 26:14

Er my hon’s, cur-my-ner, ta mee ayns nyn laueyn; jean-jee rhym myr hee shiu mie as cooie.

Briwnyn 10:15

As dooyrt cloan Israel rish y Chiarn, Ta shin er n’yannoo peccah: jean uss rooin myr hee-ys oo mie; agh livrey shin, ta shin guee ort, yn cheayrt shoh.

Noo Mian 11:26

Shen dy jarroo myr te, Ayr, son shen myr ve mie ayns dty hilley’s.

Jeremiah 38:5

Eisht dooyrt Zedekiah yn ree, Cur-my-ner, t’eh ayns y laue eu: son cha nee yn ree oddys nhee erbee y yannoo noi nyn aigney.

Isaiah 47:6

Va mee jymmoosagh rish my phobble; ta mee er n’yannoo my eiraght feohdoil, as er livrey ad gys dty laue: cha ren oo myghin y hoilshaghey daue; er y chenndeeaght t’ou dy feer trome er lhie yn whing.

2 Samuel 24:14

As dooyrt David rish Gad, Ta mee ayns chennid vooar: lhig dooin nish tuittym fo laue’n Chiarn, (son ta e vyghinyn mooar,) as ny lhig dou tuittym ayns laue dooinney.

1 Samuel 3:18

As dinsh Samuel da dy chooilley ockle, as cha cheill eh veg voish. As dooyrt Eli, She’n Chiarn t’ayn: e aigney dy row jeant.

Briwnyn 8:15

As haink eh gys deiney Succoth, as dooyrt eh, Cur-my-ner Zebah as Zalmunna, my-nyn-gione ren shiu boggyssagh harrym, gra, Vel laueyn Zebah as Zalmunna nish fo dty laue’s, dy jinnagh shinyn arran da dty gheiney ta skee as tooillit?

Joshua 9:26

As shen myr ren eh roo, as ren eh ad y livrey ass laue cloan Israel, nagh ren ad nyn goyrt gy-baase.

2 Samuel 15:26

Agh my jir eh myr shoh, Cha vel taitnys erbee aym aynyd: cur-my-ner, ta mee ayns shoh, lhig da jannoo rhym myr ta mie ayns e hilley.

2 Reeaghyn 10:5

As hug fer-reill y thie, as kiannoort yn ard-valley, yn chanstyr myrgeddin, as oaseiryn y chloan, chaghteraght gys Jehu, gra, Ta shinyn dty harvaantyn, as nee mayd cre-erbee elley sailt; agh er son ree cha jean mayd soiaghey harrin: jean shen ny ta mie ayns dty hooillyn.