Joshua 9:18 - Yn Vible Casherick 1775 1819

¹⁸ As cha dug cloan Israel laue orroo, son dy row princeyn y pobble er vreearrey daue liorish y Chiarn Jee Israel. As ren ooilley’n pobble plaiynt noi ny princeyn.

Joshua 9:18 Iomraidhean Croise

Psalmyn 15:4

Eshyn nagh vel soiaghey jeh hene, agh ta imlee ayns e hooillyn hene: as jannoo mooar jeusyn ta goaill aggle roish y Chiarn.

Ecclesiastes 9:2

Ta dy chooilley nhee cheet co-laik er ooilley: ta’n un red taghyrt er yn ynrick, as er y neu-ynrick; er mie as sie; er y ghlen, as y neu-ghlen; ersyn ta ouralley, as ersyn nagh vel ouralley: myr ta’n dooinney mie, myr shen ta’n drogh-yantagh; as eshyn ta loo, myr eshyn ta ayns ammys e loo.

Ecclesiastes 5:6

Ny lhig da dty veeal ve oyr peccah da dty chorp; chamoo abbyr roish chaghter Yee, She marranys ve: cre’n-fa yinnagh oo Jee y vrasnaghey lesh dty ghoan, dy stroie obbyr dty laueyn?

Ecclesiastes 5:2

Ny bee siyragh lesh dty veeal, as ny lhig da dty chree fockley-magh nhee erbee gyn-tort fenish Yee: son ta Jee ayns niau, as uss er y thalloo; shen-y-fa lhig da dty ghoan ve beggan.

2 Samuel 21:7

Agh haue y ree Mephibosheth, mac Yonathan, mac Saul, er coontey breearrey’n Chiarn va eddyr ad, eddyr David as Jonathan mac Saul.

Joshua 9:17

As ghow cloan Israel nyn yurnah, as haink ad gys ny ard-valjyn oc er y trass laa. Nish va ny ard-valjyn oc Gibeon, as Chephirah, as Beeroth, as Kirjath-jearim.

Joshua 9:19

As dooyrt ooilley ny princeyn rish y slane sheshaght, Ta shin fo breearrey daue liorish y Chiarn Jee Israel: shen-y-fa nish, cha vod mayd laue ’chur orroo.

Earrooyn 30:3

My ta moidyn myrgeddin jannoo breearrey gys y Chiarn, as cur ee hene fo kiangley, ayns thie e ayrey, ayns yn aegid eck;

Deuteronomy 23:22

Agh mannagh jean oo breearrey, cha bee eh peccah dhyt.

Deuteronomy 23:23

Shen ny t’er n’gholl magh ass dty veillyn nee oo freayll as cooilleeney, eer chebbal-arryltagh, rere myr t’ou er vreearrey gys y Chiarn dty Yee, as t’ou er n’yialdyn lesh dty veeal.

Deuteronomy 23:24

Tra hed oo stiagh ayns garey-feeyney dty naboo, foddee oo gee cooid dty vian jeh ny smeyr-feeyney lurg dt’aigney hene, agh ayns dty haagh cha der oo veg.