Joshua 9:14 - Yn Vible Casherick 1775 1819

¹⁴ As ghow ny ard-gheiney jeh’n bee oc, as cha ghow ad coyrle ec beeal y Chiarn.

Joshua 9:14 Iomraidhean Croise

Earrooyn 27:21

As nee eh shassoo fenish Eleazar y saggyrt, nee shirrey coyrle er e hon, liorish briwnys yn Urim, kiongoyrt rish y Chiarn: ec y fockle echeysyn hed ad magh, as ec y fockle echey hig ad stiagh, chammah eh hene, as ooilley cloan Israel mârish, eer yn slane sheshaght.

Briwnyn 1:1

Nish lurg baase Yoshua, haink eh gy-kione, dy ren cloan Israel shirrey coyrle jeh’n Chiarn, gra, Quoi hed seose hoshiaght er nyn son noi ny Canaaniteyn, dy chaggey?

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.

Ezra 8:21

Eisht ren mee fockley magh laa troshtee ayns shen, ec awin Ahava, dy injillaghey shin hene kiongoyrt rish y Jee ain, dy hirrey veihsyn raad sauchey dooin hene, da nyn gloan veggey, as ooilley nyn gooid.

2 Samuel 5:19

As hir David coyrle jeh’n Chiarn, gra, Jem seose noi ny Philistinee? jean oo ad y livrey gys my laue? As dooyrt y Chiarn rish David, Gow seose; son neem’s son shickyrys ny Philistinee y livrey gys dty laue.

Briwnyn 20:28

As she Phinehas, mac Eleazar, mac Aaron, va shirveish kiongoyrt rish ec y traa cheddin,) as dooyrt ad, Jig eh lhiam dy chaggey reesht noi cloan Venjamin my vraar, ny jean-ym goaill fea? As dooyrt y Chiarn, Gow seose; son mairagh livrey-ym ad gys dty laue.

2 Samuel 2:1

As haink eh gy-kione lurg shoh, dy ren David briaght jeh’n Chiarn, gra, Jem seose gys veg jeh ard-valjyn Yudah? As dooyrt y Chiarn rish, Gow seose. As dooyrt David, Quoi jeh ny ard-valjyn? As dooyrt eh, Gys Hebron.

Briwnyn 20:18

As dirree cloan Israel, as hie ad seose gys thie Yee, dy hirrey coyrle er Jee, as dooyrt ad; Quoi hed seose hoshiaght dy chaggey noi cloan Venjamin? as dooyrt y Chiarn, Judah hed seose hoshiaght.

1 Samuel 22:10

As ren eh briaght jeh’n Chiarn er e hon: as hug eh oltaghey-bea da, as myrgeddin cliwe Gholiath yn Philistine.

Exodus 28:30

As ver oo ayns y vreast-plate dy vriwnys, yn Urim as Thummim; as bee ad er cree Aaron tra hed eh stiagh kionfenish y Chiarn: as nee Aaron gymmyrkey briwnys chloan Israel er e chree, kiongoyrt rish y Chiarn dy kinjagh.

Joshua 9:13

As va ny siyn-feeyney shoh noa, tra lhieen shin ad; as cur-my-ner, t’ad raipit: as t’ad shoh nyn garmadyn as nyn mraagyn er n’aase shenn kyndagh rish y jurnah mooar liauyr.