Joshua 8:4 - Yn Vible Casherick 1775 1819

⁴ As doardee eh daue, gra, Cur-jee my-ner, nee shiu lhie cooyl-chlea noi yn ard-valley, dy jarroo ny chooyl: ny gow-jee roud voish yn ard-valley, agh bee-jee ooilley ullee:

Joshua 8:4 Iomraidhean Croise

Briwnyn 20:29

As hoie cloan Israel deiney dy lhie cooyl-chlea ooilley mygeayrt Gibeah.

Jannoo 23:21

Agh ny jean uss er y raa oc: son ta aarloo dy ghoaill eh erskyn da-eed dooinney jeu, t’er chiangley ad-hene fo mollaght, nagh jean ad gee ny giu derrey vees ad er varroo eh: as nish t’ad aarloo, jerkal rish gialdyn y gheddyn voïd’s.

Ecclesiastes 9:16

Eisht dooyrt mee, Ta creenaght ny share na niart: agh ny-yeih, s’beg ta soit jeh creenaght yn dooinney boght, as cha vel e ghoan er nyn glashtyn.

Ecclesiastes 7:19

Ta creenaght niart smoo da’n dooinney creeney, na jeih treanee caggee ayns ard-valley.

1 Samuel 15:5

As haink Saul gys ard-valley Amalek, as lhie eh fo-chlea ’sy choan.

1 Samuel 15:2

Myr shoh ta’n Chiarn dy heshaght-flaunyss gra, Cha vel mee er yarrood ny ren Amalek rish Israel, kys lhie eh dy follit er e hon er y raad, myr v’eh cheet seose veih Egypt.

Briwnyn 20:36

Myr shen honnick cloan Venjamin dy row’n chooish smessey oc: son lhig deiney Israel orroo dy row ad chea veih ny Benjamiteyn, er-yn-oyr dy hreisht ad hucsyn, va lhie cooyl-chlea liorish Gibeah.

Briwnyn 20:33

As hrog ooilley deiney Israel seose veih nyn ynnyd, as hug ad ad-hene ayns order-caggee ec Baal-tamar; as haink adsyn jeh Israel va ny lhie cooyl-chlea magh ass nyn ynnydyn follit, ass lheeantyn Ghibeah.

Briwnyn 9:25

As ren deiney Shechem soiaghey sleih dy lhie cooyl-chlea er e hon ayns mullagh ny sleityn, as ren ad spooilley ooilley ny haink nyn raad: as ve inshit da Abimelech.

Joshua 8:16

As va ooilley ny deiney v’ayns Ai sumnit cooidjagh dy gholl er nyn eiyrt’s; as deiyr ad er Joshua, as v’ad er nyn dayrn ersooyl veih’n ard-valley.

Joshua 8:3

Er shoh hrog Joshua er, as ooilley ny deiney caggee, dy gholl seose noi Ai: as ren Joshua reih magh jeih thousaneyn as feed dy gheiney-caggee niartal, as hug eh ad magh ’syn oie.

2 Reeaghyn 7:12

As dirree’n ree ’syn oie, as dooyrt eh rish ny fir-choyrlee echey, Soilshee-ym’s diu nish cre ta ny Syrianee er n’yannoo rooin: ta fys oc dy vel shin accryssagh, Shen-y-fa t’ad er gholl magh ass y champ, dy cheiltyn ad-hene ’sy vagher, gra, Tra hig ad magh ass yn ard-valley, nee mayd goaill ad bio, as yiow mayd stiagh ’syn ard-valley.

2 Recortyssyn 13:13

Agh hug Jeroboam er deiney dy lhie follit, dy heet mygeayrt er y chooyl oc: myr shen dy row Judah eddyr y daa heshaght, chammah rhymboo as nyn yeï.

Briwnyn 9:32

Nish er-y-fa shen, seose oo-hene, as yn pobble ta mayrt, ’syn oie, as lhie-jee cooyl-chlea ’sy vagher: