Joshua 8:35 - Yn Vible Casherick 1775 1819

³⁵ Cha row fockle jeh ooilley ny doardee Moses nagh ren Joshua lhaih kiongoyrt rish slane chaglym-cooidjagh Israel, marish ny mraane, as y chloan, as ny joarreeyn ny-vud oc va jeh’n un chredjue.

Joshua 8:35 Iomraidhean Croise

Deuteronomy 31:12

Chaggil yn pobble cooidjagh, deiney, as mraane, as cloan, as y joarree t’er cheu-sthie jeh dty yiattyn, dy vod ad clashtyn, as dy vod ad gynsaghey, as aggle ghoaill roish y Chiarn nyn Yee, as ve tastagh dy yannoo ooilley goan y leigh shoh:

Nehemiah 8:2

As hug Ezra yn saggyrt lesh y leigh kiongoyrt rish y cheshaght chammah dy gheiney as mraane, as ooilley ny va ec eash dy hoiggal, er y chied laa jeh’n chiaghtoo vee.

Jeremiah 26:2

Myr shoh ta’n Chiarn dy ghra, Shass ayns cooyrt thie yn Chiarn, as loayr rish ooilley ard-valjyn Yudah, ta cheet dy ooashlaghey ayns thie yn Chiarn, ooilley ny goan, ta mee coyrt er dty churrym dy loayrt roo; ny lhig sheese fockle jeh:

Jannoo 21:5

As tra va ny laghyn ec kione, jimmee shin roïn, as hie shin er nyn raad; as hie ad ooilley magh mârin dy chur shin er nyn doshiaght er nyn yurnah, mârish mraane as cloan, derrey va shin mooie ass y valley: as ghlioon shin sheese er y traie, as ghow shin padjer.

Noo Mark 10:14

Agh tra honnick Yeesey eh, v’eh feer jymmoosagh, as dooyrt eh roo, Sur-jee cloan aegey dy heet hym’s, as ny jean-jee ad y lhiettal: son jeh nyn lheid ta reeriaght Yee.

Joel 2:16

Chaggle-jee yn pobble: jean-jee yn co-chruinnaght y chasherickey; chaggle-jee yn chenndeeaght; chymsee-jee cooidjagh yn chloan, as adsyn ta jiole er y cheeagh: lhig da’n dooinney-poosee goll magh ass e hiamyr, as y ven-phoosee ass e closet.

Ezra 10:1

Nish, lurg da Ezra v’er ghoaill padjer, as er ghoaill rish yn peccah shoh, dobberan, as lhie er y thalloo, kiongoyrt rish thie Yee, haggil huggey ass Israel sheshaght feer vooar dy gheiney, as mraane, as cloan: son ren y pobble keayney dy sharroo.

Deuteronomy 29:11

Nyn vooinjer veggey, nyn mraane, as y joarree t’ayns dty champ, veih’n giareyder-fuygh, gys y tayrneyder-ushtey.

Jannoo 20:27

Son cha vel mee er haghney dy hoilshaghey diu slane coyrle Yee.

Deuteronomy 4:2

Cha jean shiu nhee erbee y choyrt huggey, ny goaill voish y goo ta mee dy harey diu, dy vod shiu freayll annaghyn y Chiarn nyn Yee, ta mish dy harey diu.

Exodus 12:38

As hie ymmodee dy leih elley ren lhiantyn huc seose myrgeddin mâroo; as shioltaneyn, as shellooyn, eer niart maase.

Zechariah 8:23

Myr shoh ta Chiarn ny flaunyssee dy ghra, Ayns ny laghyn shen hig eh gy-kione, dy jean jeih deiney ass dy chooilley ghlare jeh ny ashoonee greme y ghoaill, eer greme er yn rumbyl echeysyn ta ny Hew, gra, Hed mayd mêriu: son ta shin er chlashtyn dy vel Jee mêriuish.

Deuteronomy 29:9

Freill-jee, er-y-fa shen, goan y chonaant shoh, as jean-jee ad, dy vod dy chooilley nhee, ta shiu dy yannoo, cheet lhieu.

Deuteronomy 29:10

Ta shiu ooilley nyn shassoo jiu, fenish y Chiarn y Jee eu; captanyn nyn tribeyn, nyn shanstyr, as nyn offishearyn, as ooilley deiney Israel,

Nehemiah 8:3

As lhaih eh ayn, ’sy traid va liorish y yiat-ushtey, veih’n voghrey gys y vun-laa, gys ny deiney, as ny mraane, as lheid as va toiggal: as va ooilley’n pobble soit dy jeean er clashtyn lioar y leigh.