Joshua 8:2 - Yn Vible Casherick 1775 1819

² As nee oo rish Ai as rish y ree eck, myr t’ou er n’yannoo rish Jericho as rish e ree: ynrycan yn spooilley, as yn ollagh eck, nee shiu goaill son cragh diu hene: cur deiney dy lhie cooyl-chlea noi’n ard-valley cheu e cooylloo.

Joshua 8:2 Iomraidhean Croise

Deuteronomy 20:14

Agh ny mraane, as y chloan, as y maase, as ooilley ny t’ayns yn ard-valley, eer ooilley yn spooilley echey, nee oo goaill dhyt hene: as freayll dty chour hene spooilley dty noidyn, ta’n Chiarn dty Yee er choyrt dhyt.

Raaghyn Creeney 13:22

Ta dooinney mie faagail eiraght da cloan e chlienney: as ta cooid y drogh-yantagh stoyrit cour yn er-cairagh.

2 Recortyssyn 20:22

As cha leah’s hie ad lesh ny arraneyn-moyllee, hug y Chiarn er cummaltee Seir, va nyn lhie cooyl-chlea noi Judah, dy huittym ayns marranys, er cloan Ammon as Moab, as v’ad er nyn mwoalley.

Joshua 6:21

As stroie ad dy bollagh ooilley ny v’ayns yn ard-valley, chammah dooinney as ben, aeg as shenn, as dow, as keyrrey, as assyl, lesh foyr y chliwe.

Jeremiah 51:12

Cur-jee seose yn mergey er voallaghyn Vabylon, niartee-jee yn arrey, soie-jee ny arreyderyn, cur-jee sleih dy lhie cooyl-chlea: son ta’n Chiarn chammah er chiarail, as er n’yannoo mie ny t’eh er loayrt noi cummaltee Vabylon.

Jeremiah 17:11

Myr ta’n kiark-rhennee soie er oohyn, as nagh vel ee guirr aalagh; myr shen eshyn ta cosney berchys, as cha nee dy cairagh, faagee eh ad ayns mean e laghyn, as ec y jerrey bee eh ny ommydan.

Raaghyn Creeney 28:20

Nee dooinney treishteilagh bishaghey ayns bannaghtyn: agh eshyn ta jannoo siyr dy ve berchagh, cha bee eh gyn-loght.

Psalmyn 39:6

Cur-my-ner, t’ou uss er n’yannoo my laghyn myr lhiurid reaish: as cha vel my eash agh myr red gyn veg dy ve soylit hood’s; as dy firrinagh ta dy chooilley ghooinney bio ooilley-cooidjagh fardail.

2 Recortyssyn 13:13

Agh hug Jeroboam er deiney dy lhie follit, dy heet mygeayrt er y chooyl oc: myr shen dy row Judah eddyr y daa heshaght, chammah rhymboo as nyn yeï.

Joshua 10:28

Ec y traa cheddin ghow Joshua Makkedah, as woaill eh eh lesh foyr y chliwe, as stroie eh dy bollagh yn ree echey, as ooilley ny cummaltee v’ayn; cha daag eh veg er-mayrn: as ren eh rish ree Makkedah myr ren eh rish ree Yericho.

Joshua 10:1

Nish haink eh gy-kione, tra cheayll Adoni-zedeck ree Yerusalem dy row Joshua er ghoaill Ai, as er stroie eh dy bollagh; as dy row eh er n’yannoo rish Ai as e ree myr ren eh rish Jericho, as e ree; as dy row cummaltee Ghibeon er n’yannoo shee rish Israel, as baghey ny mast’ oc;

Joshua 8:24

As haink eh gy-kione tra va Israel erreish stroie ooilley cummaltee Ai, ’sy vagher, ’syn aasagh raad v’ad er n’eiyrt ad, as tra v’ad ooilley er duittym lesh foyr y chliwe, derrey v’ad ooilley er nyn stroie, dy ren ooilley ny Israeliteyn chyndaa gys Ai, as woaill ad eh lesh foyr y chliwe.

Joshua 8:19

As hrog ny deiney va nyn lhie cooyl-chlea dy tappee orroo ass nyn follaghyn, as roie ad cha leah as v’eh er heeyney magh e laue, as hie ad stiagh ’syn ard-valley, as ghow ad eh, as ren ad siyr, as hug ad yn ard-valley er aile.

Joshua 8:14

As haink eh gy-kione, tra honnick ree Ai shen, dy ren ad siyr, as hrog ad orroo dy moghey, as hie deiney yn ard-valley magh dy chaggey noi Israel, eshyn as ooilley e gheiney, ec traa pointit, er oirr y vagher-caggee, kiongoyrt rish y choan; agh ve gyn-yss da, dy row deiney lhie cooyl-chlea er e hon cheu-heear yn ard-valley.

Joshua 8:12

As ghow eh mysh queig thousane dooinney, as hug eh ad dy lhie cooyl-chlea eddyr Beth-el as Ai, cheu-heear yn ard-valley.

Joshua 8:9

Hug Joshua er-y-fa shen magh ad; as hie ad dy lhie cooyl-chlea, as ghow ad grunt eddyr Beth-el as Ai, sheear voish Ai; agh duirree Joshua yn oie shen mastey n pobble.

Joshua 8:7

Eisht nee shiuish troggal erriu veih’n cooyl-chlea, as goaill yn ard-valley: son nee’n Chiarn y Jee eu eh y livrey gys nyn laueyn.

Deuteronomy 3:2

As dooyrt y Chiarn rhym’s, Ny gow aggle roish: son neem’s eshyn, as ooilley e gheiney, as e heer y livrey gys dty laue, as nee oo rishyn, myr ren oo rish Sihon ree ny Amoriteyn, va cummal ec Heshbon.

Joshua 8:3

Er shoh hrog Joshua er, as ooilley ny deiney caggee, dy gholl seose noi Ai: as ren Joshua reih magh jeih thousaneyn as feed dy gheiney-caggee niartal, as hug eh ad magh ’syn oie.

Joshua 8:8

As lurg diuish v’er n’ghoaill yn ard-valley, ver shiu yn ard-valley er aile: cordail rish oardagh yn Chiarn nee shiu. Cur-jee my-ner, ta mee er choyrt sarey diu.

Deuteronomy 2:35

Agh yn ollagh ghow shin son spooilley dooin hene, as spooilley ny ard-valjyn ghow shin.

Joshua 9:3

As tra cheayll cummaltee Ghibeon jeh ny va Joshua er n’yannoo rish Jericho as rish Ai,

Joshua 11:14

As slane spooilley ny ard-valjyn shoh, as y maase, ren cloan Israel y ghoaill son cooid daue hene; agh varr ad dy chooilley ghooinney lesh foyr y chliwe, derrey v’ad er stroie ad, chamoo daag ad veg jeu bio.