Joshua 8:10 - Yn Vible Casherick 1775 1819

¹⁰ As dirree Joshua dy moghey ’sy vadran, as ghow eh musteral y pobble, as hie eshyn as leeideilee Israel seose, roish y pobble gys Ai.

Joshua 8:10 Iomraidhean Croise

Psalmyn 119:60

Ren mee siyr, as cha lhig mee shaghey yn traa: dy reayll dty annaghyn.

Joshua 7:16

Myr shen dirree Joshua dy moghey, as hug eh lesh Israel magh lurg nyn tribeyn; as va tribe Yudah er ny ghoaill:

Joshua 6:12

As dirree Joshua dy leah ’sy voghrey, as hrog ny saggyrtyn arg y Chiarn.

Joshua 3:1

As dirree Joshua leah ’sy voghrey; as scugh ad veih Shittim, as haink ad gys Jordan, eshyn as ooilley cloan Israel, as ren ad campal ayns shen roish my jagh ad harrish.

Genesis 22:3

As dirree Abraham dy feer voghey, as yeeltee eh e assyl, as ghow eh jees jeh e gheiney aegey mârish, as Isaac e vac, as scelt eh yn fuygh son yn oural-losht: as hrog eh er, as hie eh gys yn ynnyd va Jee er n’insh da.

Joshua 8:9

Hug Joshua er-y-fa shen magh ad; as hie ad dy lhie cooyl-chlea, as ghow ad grunt eddyr Beth-el as Ai, sheear voish Ai; agh duirree Joshua yn oie shen mastey n pobble.

Joshua 8:11

As hie ooilley ny deiney-caggee va mârish seose, as hayrn ad er-gerrey, as haink ad kiongoyrt rish yn ard-valley, as hass ad ayns order-caggee cheu-twoaie dy Ai: nish va coan eddyr adsyn as Ai.