Joshua 7:9 - Yn Vible Casherick 1775 1819

⁹ Son nee ny Canaaniteyn, as ooilley cummaltee ny cheerey, clashtyn jeh, as nee ad shin y chruinnaghey mygeayrt, as giarey jeh yn ennym ain veih’n thalloo: as cre nee uss er son gloyr dty ennym mooar hene?

Joshua 7:9 Iomraidhean Croise

Exodus 32:12

Cre’n-fa veagh oyr ec ny Egyptianee dy ghra, Son olk hug eh lesh ad magh, dy stroie ad ayns ny sleityn, as dy chur mow ad veih eaghtyr y thallooin? Chyndaa veih eulys dty yymmoose, as shaghyn yn kerraghey shoh veih dty phobble.

Psalmyn 83:4

T’ad er ghra, Tar-jee, as lhig dooin ad y astyrt ass ny fraueyn, nagh bee ad arragh nyn bobble: as nagh bee ennym Israel ny sodjey ayns cooinaghtyn.

Noo Ean 12:28

Ayr, cur gloyr da dty ennym hene. Eisht haink coraa veih niau, gra, Ta mee hannah er ghloyraghey eh, as nee’m eh y ghloyraghey reesht.

Joel 2:17

Lhig da ny saggyrtyn, shirveishee yn Chiarn dobberan eddyr y phorch as yn altar, as lhig daue gra, Ymmyrk lesh dty phobble, O Hiarn, as ny cur dty eiraght dy ve ny oltooan, son ny ashoonee dy reill harrystoo: cre’n-fa yiarragh ad mastey yn pobble, Cre vel nish yn Jee oc?

Ezekiel 20:9

Agh dobbree mee er graih m’ennym hene, nagh beagh eh er ny oltooaney kiongoyrt rish ny ashoonee, nyn mastey v’ad, ayns y chilley oc ren mee mee-hene y hoilshaghey daue, ayns coyrt lhiam ad magh ass cheer Egypt.

Deuteronomy 9:28

Er-aggle dy jir y cheer, voish hug oo lhiat ad magh, Son nagh dod y Chiarn ad y chur lesh gys y cheer yiall eh daue, as son dy row dwoaie echey orroo, t’eh er choyrt lesh ad magh, dy stroie ad ’syn aasagh.

Earrooyn 14:13

As dooyrt Moses rish y Chiarn, Eisht nee ny Egyptianee clashtyn shoh (son hug oo lhiat seose y pobble shoh, liorish dty phooar, veih ny mast’ oc.)

Joshua 7:8

O Hiarn, cre oddym’s gra, tra ta Israel cur cooyl rish nyn noidyn!

Joshua 7:10

As dooyrt y Chiarn rish Joshua, Irree seose; cre’n-fa t’ou myr shoh lhie as dty veeal foyd?

1 Samuel 12:22

Son cha jean y Chiarn treigeil e phobble er graih e ennym mooar hene; son dy s’gooidsave lesh y Chiarn dy yannoo shiu e phobble.

Psalmyn 48:10

Lhig da’n cronk Sion goaill boggey, as inneen Yudah ve gennal: er coontey dty vriwnyssyn.

Psalmyn 79:9

Cooin lhien, O Yee jeh nyn saualtys, son gloyr dt’Ennym: O livrey shin, as bee myghinagh da nyn beccaghyn son graih dty Ennym.

Psalmyn 83:5

Son t’ad er chur nyn ghing cooidjagh lesh un aigney: as er n’yannoo conaant cooidjagh dt’oï’s;

Psalmyn 115:1

Cha nee dooinyn, O Hiarn, cha nee dooinyn, agh da dt’Ennym cur yn moylley: son dty vyghin ghraihagh, as er coontey dt’ynrickys.

Micah 7:10

Eisht nee ish ta my noid fakin shoh, as nee nearey ish y choodaghey, dooyrt rhym, Cre vel yn Chiarn yn Jee ayd? ver my hooillyn my-ner ee: nish bee ee stampit sheese myr laagh ny straidey.