Joshua 7:5 - Yn Vible Casherick 1775 1819

⁵ As ren deiney Ai mysh shey deiney jeig as feed jeu y varroo: son deiyr ad orroo veih’n yiat dy jarroo gys Shebarim, as varr ad jeu myr v’ad goll sheese: shen-y-fa ren creeaghyn y pobble lheïe ersooyl, as v’ad lhag myr ushtey.

Joshua 7:5 Iomraidhean Croise

Joshua 2:11

As cha leah’s cheayll shin ny reddyn shoh, ren ny creeaghyn ain lheïe, chamoo va veg y vree ayns dooinney erbee, kyndagh riuish: son y Chiarn yn Jee eu, t’eh ny Yee ayns niau heose, as er y thalloo wass.

Joshua 2:9

As dooyrt ee rish ny deiney, Ta fys aym dy vel y Chiarn er choyrt diu yn cheer, as dy vel atchim reueish er duittym orrinyn, as dy vel ooilley cummaltee yn cheer er choayl nyn mree kyndagh riuish.

Leviticus 26:36

As orroosyn vees faagit bio jiuish, ver-yms annooinid cree ayns cheer nyn noidyn; as nee feiyr duillag criht ad y agglaghey; as nee ad chea, myr veih’n chliwe: as nee ad tuittym, tra nagh bee fer er nyn eiyrt’s.

Nahum 2:10

T’ee follym, as feayn, as faasagh, as ta’n cree faitagh, as ta ny glioonyn bwoalley noi-ry-hoi, as ta guin ghyere ayns ooilley nyn meeghyn, as ta neeal y dorraghys er dy chooilley eddin.

Ezekiel 21:7

As hig eh gy-kione, tra jir ad rhyt, Cre’n-fa t’ou gosnaghey? dy dreggyr oo, Son ny naightyn ta cheet, ver er dy chooilley chree lheïe ersooyl, as bee dy chooilley laue annoon, as hed dy chooilley spyrryd naardey, as bee dy chooilley ghlioon faase myr ushtey: cur-my-ner, te cheet, as hig eh gys kione, ta’n Chiarn Jee dy ghra.

Isaiah 13:7

Shen-y-fa bee dy chooilley laue faiynt, as nee cree dy chooilley ghooinney lheïe ersooyl:

Psalmyn 22:14

Ta mee deayrtit magh myr ushtey, as ta ooilley my chraueyn ass ynnyd: ta my chree neesht ayns mean my chorp eer myr kere ta lheïe.

Joshua 5:1

As haink eh gy-kione, tra va ooilley reeaghyn ny Amoriteyn, v’ayns naboonys Yordan er cheu-heear, as ooilley reeaghyn ny Canaaniteyn, v’er slyst ny marrey, er chlashtyn dy row yn Chiarn er hyrmaghey seose ushtaghyn Yordan roish cloan Israel, derrey v’ad er n’gholl harrish, dy ren ny creeaghyn oc gannooinaghey, chamoo va bree ayndoo veg sodjey, kyndagh rish cloan Israel.

Deuteronomy 1:44

As haink ny Amoriteyn, va cummal ’sy clieau shen, magh nyn ’oï, as ren ad shiu y ghah myr shellanyn, as stroie ad shiu veih Seir, eer gys Hormah.

Psalmyn 58:7

Lhig daue lheïe ersooyl myr crammag, as ve goll-rish mess ben ta er jeet roish y traa: as ny lhig daue fakin y ghrian.