Joshua 7:26 - Yn Vible Casherick 1775 1819

²⁶ As hrog ad harrish cayrn mooar cloaie gys y laa jiu. Er shoh hyndaa yn Chiarn veih eulys e yymmoose. Shen-y-fa, jir ad Coan Achor rish yn ynnyd shen gys y laa jiu.

Joshua 7:26 Iomraidhean Croise

Hosea 2:15

As veih shen ver-ym jee e garaghyn-feeyney, as glione Achor son dorrys dy hreishteil, as nee ee arrane y ghoaill ayns shen, myr ayns laghyn e aegid, as myr ayns y laa haink ee seose ass thalloo Egypt.

Isaiah 65:10

As bee Sharon bwoaillee dy hioltaneyn, as coan Achor ynnyd da ny shellooyn dy ghoaill nyn aash ayn, ec my phobble t’er vriaght my yeï.

Deuteronomy 13:17

As cha keill oo veg jeh’n red custey: dy vod y Chiarn dty Yee chyndaa veih dewilys e chorree, as soilshaghey myghin dhyt, as chymmey v’echey ort, as bishaghey oo, myr vreear eh da dty ayraghyn;

Dobberan 3:53

T’ad er yiarey jeh my vioys ayns pryssoon, as er lhie lhiack orrym.

2 Samuel 18:17

As ghow ad Absalom, as hilg ad eh ayns ooig dowin ’sy cheyll, as hrog ad cayrn mooar dy chlaghyn harrish: as chossyn ooilley Israel dagh unnane gys e chabbane.

Joshua 8:29

As ree Ai ren ad y chroghey er billey derrey’n astyr: as ec lhie ny greiney, doardee Joshua yn corp dy ve goit neose jeh’n villey, as dy hilgey eh rish giat yn ard-valley, as dy hroggal harrish cayrn mooar cloaie, ta er-mayrn gys y laa jiu.

Joshua 7:24

As ghow Joshua, as ooilley Israel mârish, Achan mac Zerah, as yn argid, as y garmad, as y wedge airh, as e vec, as e inneenyn, as ny dew, as ny assylyn echey, as e chirree, as e chabbane, as ooilley ny v’echey: as hug ad lhieu ad gys coan Achor.

Zechariah 6:8

Eisht deïe eh orrym, as loayr eh rhym, gra, Cur-my-ner, t’ad shoh ta goll gys y cheer-twoaie er chiunaghey my spyrryd noi yn cheer-twoaie.

Joel 2:18

Eisht bee yn Chiarn eadolagh son y cheer echey, as chymmoil er e phobble.

Joel 2:13

As raip-jee nyn gree, as cha nee nyn goamraghyn, as chyndaa-jee gys y Chiarn y Jee eu; son t’eh graysoil as myghinagh, moal gys corree, as dy chenjallys vooar, as meiygh-chreeagh tra t’eh kerraghey.

Isaiah 40:2

Loayr-jee dy gerjoilagh rish Jerusalem, as eïe-jee dy vel y seaghyn eck harrish, dy vel y vee-chairys eck er ny phardooney; son t’ee er gheddyn veih laue yn Chiarn [kerraghey] dooble son ooilley e peccaghyn.

2 Samuel 21:14

As craueyn Saul as Yonathan e vac, doanluck ad ayns cheer Venjamin ayns Zelah, ayns lhiaght Kish e ayr; as chooilleen ad ooilley ny ren y ree y harey: as ny lurg shen va Jee foayroil da’n cheer.

Joshua 10:27

As haink eh gy-kione ec lhie ny greiney, dy doardee Joshua, as ghow ad neose ad jeh ny biljyn, as cheau ad ad ’syn ooig ayn v’ad follit, as lhie ad claghyn mooarey er beeal yn ooig ta er-mayrn gys y laa jiu.

Exodus 32:12

Cre’n-fa veagh oyr ec ny Egyptianee dy ghra, Son olk hug eh lesh ad magh, dy stroie ad ayns ny sleityn, as dy chur mow ad veih eaghtyr y thallooin? Chyndaa veih eulys dty yymmoose, as shaghyn yn kerraghey shoh veih dty phobble.

Earrooyn 25:8

As hie eh geiyrt er y dooinney dy Israel stiagh ’sy chabbane, as roie eh ad ny-neesht trooid, yn dooinney jeh Israel, as y ven trooid e bolg: Myr shen va’n chramp er ny lhiettal veih cloan Israel.

Deuteronomy 13:18

Tra nee oo geaishtagh rish coraa’n Chiarn dty Yee; dy reayll ooilley ny annaghyn echey, ta mish dy harey dhyt yn laa jiu, dy yannoo shen ny ta cairagh ayns shilley yn Chiarn dty Yee.

2 Recortyssyn 29:10

Nish te ayns my chree dy yannoo conaant rish y Chiarn, Jee Israel, dy vod eulys e yymmoose v’er ny hyndaa ersooyl voïn.

Ezra 10:14

Lhig da nish fir-reill y slane sheshaght shassoo dy vriwnys, as lhig dauesyn ooilley t’er ghoaill mraane joarree ayns ny ard-valjyn ain cheet ec y traa pointit, as mâroosyn shanstyr dy chooilley ard-valley, as ny briwnyn, derrey vees jymmoose hrome y Jee ain son y chooish shoh chyndaït voïn.

Psalmyn 85:4

Chyndaa shin reesht, O Yee nyn Saualtagh: as lhig da dty chorree scuirr voïn.

Hosea 2:17

Son goym ersooyl enmyn Vaalim ass e beeal, as cha bee imraa sodjey jeu lurg ny enmyn shen.

Jonah 1:15

Myr shen hrog ad seose Jonah, as hilg ad eh magh ’sy cheayn, as ghow yn aarkey kiunid veih freaney.