Joshua 7:25 - Yn Vible Casherick 1775 1819

²⁵ As dooyrt Joshua, Cre’n-fa t’ou er hayrn seaghyn orrin? nee’n Chiarn uss y heaghney yn laa jiu. As ren ooilley Israel eh y chlaghey lesh claghyn, as ad y lostey lesh aile erreish daue v’er chlaghey ad lesh claghyn.

Joshua 7:25 Iomraidhean Croise

Joshua 6:18

As shiuish, er dy chooilley haase freill-jee shiu hene veih’n red custey, er-aggle dy der shiu lhieu mollaght erriu hene, tra ta shiu goaill jeh’n red custey, as cragh er camp Israel, as seaghyn lesh.

1 Recortyssyn 2:7

As mec Carmi; Achan, eh hayrn seaghyn er Israel, va foiljagh ayns y chooid chustey.

Deuteronomy 17:5

Eisht ver oo lhiat magh yn dooinney ny’n ven shen (t’er n’yannoo yn drogh obbyr shoh) gys dty yiattyn, eer yn dooinney ny’n ven cheddin: as nee oo claghey dy baase ad lesh claghyn.

Leviticus 24:14

Cur lhiat magh eshyn ren gwee mollaght cheu-mooie jeh’n champ: as lhig dauesyn ooilley, ren clashtyn eh, cur nyn laueyn er e chione, as lhig da ooilley’n cheshaght eshyn y chlaghey.

Leviticus 20:2

Nee oo gra, ny sodjey, rish cloan Israel, Quoi-erbee eh jeh cloan Israel, ny jeh’n joarree ta cummal ayns Israel, ta chebbal veg jeh e luight da Molech: bee eh dy shickyr er ny choyrt gy-baase; nee sleih ny cheerey eshyn y chlaghey.

Hebrewnee 12:15

Jeeaghyn dy imneagh, nagh duitt dooinney erbee giare jeh grayse Yee; er-aggle dy jean fraue erbee dy herriuid gaase seose, shiu y voirey, as ymmodee liorish shen er nyn byshooney:

2 Thessalonianee 1:6

Fakin dy vel eh red cairagh marish Jee dy chooilleeney seaghyn orroosyn ta jannoo tranlaase erriu;

Galatianee 5:12

Baillym dy beagh ad eer giarit magh ta dy voirey shiu.

Joshua 7:15

As hig eh gy-kione, eshyn vees y red cursit er ny gheddyn er, dy bee eh er ny lostey lesh aile, eh-hene, as ooilley ny t’echey: er-yn-oyr dy vel eh er vrishey conaant y Chiarn, as son dy vel eh er n’yannoo dy olk ayns Israel.

Deuteronomy 21:21

As nee ooilley deiney e ard-valley claghey eh dy baase: myr shen ver oo yn olk ersooyl veih ny mast’ eu, as nee ooilley Israel clashtyn as goaill aggle.

Deuteronomy 13:10

As nee oo eh y chlaghey gy-baase lesh claghyn: son dy vel eh shirrey dy hayrn oo ersooyl veih’n Chiarn dty Yee, hug lesh oo magh ass cheer Egypt, ass thie ny bondiaght.

Leviticus 21:9

As my nee inneen saggyrt erbee tayrn scammylt urree hene liorish streebeeys, t’ee tayrn scammylt er e ayr: bee ish losht lesh aile:

Leviticus 20:14

My ta dooinney goaill huggey ben as e moir, te peccah trome; bee ad er nyn lostey ’syn aile, chammah eshyn as adsyn; son nagh bee lheid y drogh-yannoo ny-vud eu.

Genesis 38:24

As haink eh gy-kione, mysh three meeaghyn lurg shen, dy row eh inshit da Judah, gra, Ta Tamar dty ven-chleuin er n’yannoo maarderys, as myrgeddin, cur-my-ner, t’ee torragh, liorish maarderys: As dooyrt Judah, Cur-jee lhieu magh ee, as lhig jee ve losht.

Genesis 34:30

As dooyrt Jacob rish Simeon as Levi; Ta shiu er hayrn seaghyn orrym, as er m’y yannoo dwoaiagh mastey cummaltee ny cheerey, mastey ny Canaaniteyn, as ny Perizziteyn: as myr nagh vel shin agh beggan sleih ayns earroo, nee ad chaglym ad-hene cooidjagh m’oï, as m’y ghunverys, as beem’s er my stroie, mish as my hie.

1 Samuel 14:29

Eisht dooyrt Jonathan, Ta my ayr er voirey’n cheer: jeeagh-jee, ta mee guee erriu, kys ta my hooillyn er nyn niartaghey, neayr’s vlasht mee kuse jeh’n vill shoh.

Deuteronomy 13:11

As clinnee ooilley Israel jeh, as bee aggle orroo, as cha jean ad arragh lheid y peccah shoh, ny mast’ eu.

Raaghyn Creeney 1:19

Lheid shoh ta raaidyn dagh unnane ta sondagh er cosney, ta goaill ersooyl bioys y vooinjer s’liesh eh.

Raaghyn Creeney 15:27

Eshyn ta shleeuit er cosney, t’eh tayrn seaghyn er e hie hene: agh nee eshyn tannaghtyn ta dwoaiagh er giootyn.