Joshua 7:21 - Yn Vible Casherick 1775 1819

²¹ Tra honnick mee mastey yn spooilley garmad aalin Babylonagh, as daa cheead shekel dy argid, as wedge airh jeh trimmid jeih shekelyn as da-eed, dy dug mee eisht saynt daue, as ghow mee ad; as cur-my-ner, t’ad follit ’syn ooir ayns mean my chabbane, as yn argid foue.

Joshua 7:21 Iomraidhean Croise

Jamys 1:15

Eisht tra ta saynt er ghientyn, t’eh gymmyrkey magh peccah: as ta peccah, tra te cooilleenit, gymmyrkey magh baase.

Noo Luke 12:15

As dooyrt eh roo, Gow-jee tastey, as cur-jee twoaie jeh saynt: son cha vel maynrys bea yn dooinney lhie ayns mooarane e chooid-seihlt.

Psalmyn 119:37

O chyndaa ersooyl my hooillyn, nagh der ad geill da fardail: as jean mish y vioghey ayns dty raad.

2 Peddyr 2:15

T’er dreigeil yn raad cair, as er n’gholl er-shaghryn, geiyrt da raad Balaam mac Bosor, hug saynt da’n leagh dy neu-ynrickys;

Deuteronomy 7:25

Jallooyn grainnit ny jeeghyn oc nee shiu lostey lesh aile; cha der oo saynt da’n argid ny yn airh t’orroo, dy ghoaill eh dhyt hene, er-aggle dy bee oo er dty hayrn ayns ribbeh liorish: son te feohdoil da’n Chiarn dty Yee.

Hebrewnee 13:5

Lhig da’n ymmyrkey-bea eu ve fegooish saynt; as bee-jee booiagh lesh lheid as t’eu: son t’eh er ghra, Cha vaag-ym, ny cha dreig-ym oo dy bragh.

Raaghyn Creeney 28:22

Eshyn ta shleeuit er berchys, ta drogh-hooill echey, as cha vel eh toiggal dy vod y voghtynid cheet er.

2 Samuel 11:2

As haink eh gy-kione er fastyr dy row, dy dirree David veih e lhiabbee, as huill eh er mullagh thie’n ree: as veih’n vullagh honnick eh ben faarkey ee-hene; as va’n ven feer aalin dy yeeaghyn urree.

Genesis 6:2

Dy vaik mec Yee inneenyn gheiney dy row ad aalin; as ghow ad mraane jeu, lurg nyn yeearree.

Genesis 3:6

As tra honnick y ven dy row yn billey mie son beaghey: as aalin gys y thooill; as billey dy ve er ny yeearree dy yannoo creeney: ghow ee jeh’n vess, as ren ee gee; as hug ee myrgeddin da e sheshey va mâree, as ren eshyn gee.

Colossianee 3:5

Smaghtee-jee er-y-fa shen ny oltyn thallooinagh eu; maarderys, neu-ghlennid, yeearree neu-chooie, drogh vian, as saynt seihltagh, ta dy chur ammys da jallooyn:

Ephesianee 5:5

Son shoh ta fys eu er, nagh vel ec maarderagh erbee, ny persoon neu-ghlen, ny ec dooinney sayntoilagh, ta coyrt ammys da jallooyn, eiraght edyr ayns reeriaght Chreest as Yee.

Ephesianee 5:3

Agh maarderys, as dy chooilley neu-ghlennid, as saynt, ny lhig daue ve wheesh as enmyssit ny-vud eu, myr te cooie da nooghyn:

Noo Luke 12:2

Son cha vel nhee erbee follit nagh jig gys soilshey; ny keillit, nagh jig er-ash.

Habakkuk 2:9

Smerg dasyn ta sondagh er cosney aggairagh son e hie! dy vod eh soiaghey e edd dy ard, dy vod eh ve livreït veih roshtyn yn olk.

Isaiah 29:15

Smerg dauesyn ta shirrey dy dowin dy cheiltyn y choyrle oc veih’n Chiarn, as ta ny obbraghyn oc jeant ’sy dorraghys, as t’ad gra, Quoi ta fakin shin? as quoi ta coyrt enney orrin?

Isaiah 28:15

Er-yn-oyr dy vel shiu er ghra, Ta shin ayns conaant rish y vaase, as rish niurin ta shin er n’yannoo coardail; tra ta’n slatt goll trooid y cheer myr thooilley, cha jig eh orrin; son ta shin er n’yannoo breagyn nyn gemmyrk, as fo molteyrys ta shin er ollaghey shin hene.

Raaghyn Creeney 23:31

Ny jeeagh uss er y feeyn ayns e yirgid, tra te soilshean ’sy chappan, tra te troggal e vree dy cooie.

Raaghyn Creeney 4:23

Freill arrey er dty chree lesh ard-chiarail: son magh ass shen ta cheet raaidyn y vea.

Lioar Yob 31:1

Ren mee conaant rish my hooillyn; cre’n-fa eisht smooinin er moidyn?

Exodus 20:17

Cha der oo saynt da thie dty naboo, cha der oo saynt da ben dty naboo, ny da e harvaant, ny da e inney-veyl, ny da e ghow, ny da e assyl, ny da nhee erbee ta lesh dty naboo.

Genesis 10:10

As va toshiaght e reiltys ayns Babel, as Erech, as Accad, as Calneh, ayns cheer Shinar.

Joshua 7:20

As dreggyr Achan Joshua, as dooyrt eh, Ta mee dy jarroo er n’yannoo peccah noi’n Chiarn Jee Israel, as shoh as myr shoh ta mee er n’yannoo.

Joshua 7:22

Er shoh hug Joshua chaghteryn, as roie ad gys y chabbane; as cur-my-ner, ve follit ayns y chabbane, as yn argid fo.

2 Reeaghyn 7:8

As tra haink ny louraanee shoh gys yn ayrn sodjey magh jeh’n champ, hie ad stiagh ayns unnane jeh ny cabbaneyn, (as ren ad gee as giu,) as hug ad lhieu veih shen argid as airh, as coamrey, as hie ad; as dollee ad eh; as haink ad reesht, as hie ad stiagh ayns cabbane elley, as hug ad lhieu veih shen neesht, as dollee ad eh.

Genesis 34:27

As haink mec Yacob er ny merriu, as spooill ad yn ard-valley, er-yn-oyr dy row ad er hayrn scammylt er nyn shuyr.

Raaghyn Creeney 1:19

Lheid shoh ta raaidyn dagh unnane ta sondagh er cosney, ta goaill ersooyl bioys y vooinjer s’liesh eh.