Joshua 7:2 - Yn Vible Casherick 1775 1819

² As ren Joshua deiney y choyrt, veih Jericho gys Ai, ta liorish Beth-aven, er cheu-har jeh Beth-el, as loayr eh roo, gra, Immee-jee seose, as gow-jee baght jeh’n cheer. As hie ny deiney seose as ghow ad baght jeh Ai.

Joshua 7:2 Iomraidhean Croise

Joshua 18:12

As va’n chagliagh oc er y twoaie veih Jordan, as hie eh seose rish lhiattee Yericho er cheu-twoaie, as seose trooid ny sleityn lesh y sheear; as va’n kione echey ec faasagh Veth-aven.

Hosea 4:15

Ga dy vel uss Israel er n’yannoo streebeeys, ny-yeih, ny lhig da Judah ve kyndagh, as ny tar-jee gys Gilgal, chamoo gow-jee seose gys Beth-aven, ny loo-jee, Ta’n Chiarn bio.

1 Samuel 14:23

Myr shoh ren y Chiarn Israel y hauail yn laa cheddin: as hie ad er nyn doshiaght caggey choud’s Beth-aven.

1 Samuel 13:5

As haggil ny Philistinee ad-hene cooidjagh dy chaggey rish Israel, three thousane fainagh, as shey thousane markiaght, as ny coshee myr yn gheinnagh er oirr ny marrey ayns earroo: as haink ad seose, as ren ad campal ayns Michmash, shiar veih Beth-aven.

Noo Mian 10:16

Cur-my-ner ta mish dy choyrt shiu magh myr kirree mastey moddee-oaldey: Bee-jee er-y-fa shen tastagh myr ard-nieughyn, as ôney myr calmaneyn.

Raaghyn Creeney 24:6

Son lesh coyrle chreeney hed oo laue rish caggey: as ayns ymmodee fir-choyrlee ta sauchys.

Raaghyn Creeney 20:18

Ta dy chooilley chiarail, liorish coonceil, er ny niartaghey: as lesh coyrle vie gow laue rish caggey.

Genesis 12:8

As scugh eh veih shen gys slieau shiar jeh Beth-el, as hoie eh e chabbane, lesh Beth-el er y sheear, as Hai er y shiar, as ayns shen hrog eh altar gys y Chiarn, as ren eh geamagh er ennym y Chiarn.

Ephesianee 5:15

Jeeagh-jee eisht dy jean shiu gimmeeaght dy tastagh, cha nee myr ommydanyn, agh myr sleih creeney,

Nehemiah 11:31

Ren cloan Venjamin myrgeddin veih Geba, cummal ec Michmash, Aija, as Beth-el, as ayns nyn maljyn,

Joshua 12:9

Ree Yericho, unnane; ree Ai, ta liorish Beth-el, unnane;

Joshua 2:1

As hug Joshua mac Nun magh daa ghooinney veih Shittim dy vriaght dy follit, gra roo, Immee-jee, gow-jee baght mie jeh’n cheer, dy jarroo jeh Jericho. As jimmee ad, as haink ad gys thie ben oast, enmyssit Rahab, as ghow ad aaght ayns shen.

Genesis 28:19

As denmys eh yn ynnyd shen Beth-el: agh va’n ard-valley shen enmyssit Luz ec y toshiaght.

Joshua 7:3

As hyndaa ad gys Joshua, as dooyrt ad rish, Ny lhig da ooilley yn pobble goll seose; agh lhig da mysh ghaa ny three dy housaneyn dooinney goll seose, as Ai y ghoaill, as ny cur y doccar er ooilley’n pobble dy gholl gys shen; son cha vel ad mooarane.

1 Samuel 30:27

Dauesyn va ayns Beth-el, as dauesyn va ayns jiass Ramoth, as dauesyn va ayns Jattir,

Jeremiah 49:3

Trog yllaghey treih, O Heshbon; son ta Ai currit naardey: yllee-jee, inneenyn Rabbah; cur-jee erriu aanrit-sack; jean-jee dobberan, as roie-jee noon as noal rish ny cleiyee: son hed nyn ree gys cappeeys, as e haggyrtyn as e phrinceyn cooidjagh.

1 Reeaghyn 12:29

As hoie eh yn derrey yeh ayns Beth-el, as yn jeh elley hoie eh ayns Dan.

Isaiah 10:28

T’eh er jeet gys Aiath, t’eh er n’gholl harrish gys Migron; ec Michmash t’eh er vaagail e charriads: