Joshua 7:16 - Yn Vible Casherick 1775 1819

¹⁶ Myr shen dirree Joshua dy moghey, as hug eh lesh Israel magh lurg nyn tribeyn; as va tribe Yudah er ny ghoaill:

Joshua 7:16 Iomraidhean Croise

Ecclesiastes 9:10

Cre-erbee t’ou goaill ayns laue dy yannoo, jean eh lesh dty niart, son cha vel veg yn obbyr, ny saase, ny tushtey, ny creenaght, ayns yn oaie raad t’ou goll.

Psalmyn 119:60

Ren mee siyr, as cha lhig mee shaghey yn traa: dy reayll dty annaghyn.

Joshua 3:1

As dirree Joshua leah ’sy voghrey; as scugh ad veih Shittim, as haink ad gys Jordan, eshyn as ooilley cloan Israel, as ren ad campal ayns shen roish my jagh ad harrish.

Genesis 22:3

As dirree Abraham dy feer voghey, as yeeltee eh e assyl, as ghow eh jees jeh e gheiney aegey mârish, as Isaac e vac, as scelt eh yn fuygh son yn oural-losht: as hrog eh er, as hie eh gys yn ynnyd va Jee er n’insh da.

Joshua 7:15

As hig eh gy-kione, eshyn vees y red cursit er ny gheddyn er, dy bee eh er ny lostey lesh aile, eh-hene, as ooilley ny t’echey: er-yn-oyr dy vel eh er vrishey conaant y Chiarn, as son dy vel eh er n’yannoo dy olk ayns Israel.

Joshua 7:17

As hug eh lesh magh kynney Yudah; as ghow eh kynney ny Zarhiteyn: as hug eh lesh magh kynney ny Zarhiteyn, dooinney as dooinney; as va Zabdi er ny ghoaill:

Briwnyn 20:19

As hrog cloan Israel orroo ’sy voghrey, as champ ad noi Gibeah.