Joshua 7:15 - Yn Vible Casherick 1775 1819

¹⁵ As hig eh gy-kione, eshyn vees y red cursit er ny gheddyn er, dy bee eh er ny lostey lesh aile, eh-hene, as ooilley ny t’echey: er-yn-oyr dy vel eh er vrishey conaant y Chiarn, as son dy vel eh er n’yannoo dy olk ayns Israel.

Joshua 7:15 Iomraidhean Croise

Genesis 34:7

As haink mec Yacob veih’n vagher tra cheayll ad jeh, as va ny deiney seaghnit, as v’ad feer jymmoosagh; er-yn-oyr dy row eh er hayrn scammylt er Israel, ayns lhie marish inneen Yacob, red nagh lhisagh ve jeant.

Briwnyn 20:6

As ghow mee my ven, as yiare mee ee ayns peeshyn, as hug mee ad trooid ooilley’n cheer eiraght Israel: son t’ad er n’yannoo obbyr naareydagh as scammyltagh ayns Israel.

2 Samuel 13:13

As er my hon’s, c’raad hem dy choodaghey my nearey? as er dty hon’s, bee oo myr fer jeh ny ommydanyn scammyltagh ayns Israel. Nish er-y-fa shen, ta mee guee ort, loayr rish y ree; son cha vreill eh mee voïd.

1 Samuel 26:21

Eisht dooyrt Saul, Ta mee er n’yannoo dy olk: chyndaa, my vac Ghavid; son cha jean-ym maghey shoh skielley dhyt, er-yn-oyr dy row my vioys deyr ayns dty hilley er y laa shoh: cur-my-ner, ta mee er n’yannoo dy ommijagh, as er ve dy mooar er-shaghryn.

Joshua 7:11

Ta Israel er n’yannoo peccah, as t’ad er vrishey my chonaant ren mee y harey daue: son t’ad er ghoaill jeh’n eer red cursit, as t’ad myrgeddin er gheid, as neesht er cheiltyn, as eer er choyrt yn ghriu mastey yn chooid oc hene.

Joshua 7:16

Myr shen dirree Joshua dy moghey, as hug eh lesh Israel magh lurg nyn tribeyn; as va tribe Yudah er ny ghoaill:

Briwnyn 20:5

As dirree deiney Ghibeah m’oï, as ren ad chionney orrym mygeayrt y thie ’syn oie, er-chee dy my varroo; as my ven ghow ad er-êgin, dy vel ee marroo.

Briwnyn 20:10

As nee mayd goaill jeih deiney veih keead, trooid ooilley tribeyn Israel, as keead veih thousane, as thousane veih jeih thousaneyn, dy hirveish y champ lesh beaghey, tra hig ad gys Gibeah jeh Benjamin, dy vod ad cooilleeney ’ghoaill orroo, cordail rish ooilley’n olk t’ad er n’obbraghey ayns Israel.